JOHAN 12:36 - AMÜSÜH HÜM CL Bible (BSI)

³⁶ Nüsanü ayin lachoki ayin kheak kinang, junangde nüsa ju ayin tsührübo kambah.” Jisunü harü thabah chamachih, tüsho arü kheaknü jikabah.

JOHAN 12:36 Iomraidhean Croise

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

MATHI 21:17

Tüsho apinü arü bahjihbah kiuto chingnü Bethani lim wukhiuk tüsho ju ching yap.

MATHI 5:14

Nüsa alomi ayinatrüm. Awung kheak lakhi kiuto amüyimpü mukuk.

LUKNÜ ATHRÜTKHI THIYUSHEAK-ATSÜ HUHTANYU 16:8

Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

JOHAN 1:7

Ha mihtsürü ju api hode alala kinshihpü ayin thiyumütsan thsüpü arü.

JOHAN 11:54

Jumonü Jisunü Jihudarü bolung kiumikheak mütsahde kam, tüshe ju chingnü sunglo phünikhi lomi, Ephraim de ajikhi kiuto ching yü, tüsho ju ching ajingyanrü lung la.

JOHAN 12:37

Tüshe apinü arü miki khinthiyinbe ahihdo rhimomo she arünü api kheak mükin,

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 3:21

Tüshe shepünü thiyuro rhimochonü ayin lim arüchoh, junangde Thrünpuh ki mihyuanide arhimokhi api rhimobo mütsande angübah.”

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 8:59

Judüki arünü lung thrüa lubah api kheak king; tüshe Jisunü jikabah tüsho arü bolungnü hode yübah arüngyam chingnü wukhiuk, tüsho tsoabah.

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

1 TESALONIKA 5:5

Tümüde nüsa alala ayin tüsho animung tsührübo ah; isa ju azhing yungsho amiting yo yung.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.