JOHAN 12:35 - AMÜSÜH HÜM CL Bible (BSI)

³⁵ Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 12:35 Iomraidhean Croise

MÜCHITMUDU 4:19

Mihbukmuyuk limro ju amiting nangde lah; tümünü arü jing mükheshihchonü arünü mümükheah.

ISAIA 2:5

O Jakob yamkhün, arang, isanü Atungpuh ayin ching tsahanü!

JEREMIA 23:12

Jumonü arü limro ju amiting ching limro shahshah nangde alabah, küpü ching arü jing mükheba tüsho alungba; tümüde arü thsümüchipü kam ching inü arü kheak thsümütsü handarübah, Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 18:37

Jumonü arünü Nazarethrü Jisu hochoh de api ki tha.

JOHAN 11:10

Tüshe khürünü azhing ching tsahsho, api jing mükhechoh, tümütüsho api kheak ayin müla.”

JOHAN 11:9

Jisunü alo, “Nimung khülang ching kimkhü 12 yung de? Khürünü animuro tsahsho, api jing mümükhechoh, tümütüsho apinü ha lomi ayin ngüchoh.

JOHAN 12:36

Nüsanü ayin lachoki ayin kheak kinang, junangde nüsa ju ayin tsührübo kambah.” Jisunü harü thabah chamachih, tüsho arü kheaknü jikabah.

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 16:16

“Sühkhüh labah nüsanü I müngüde alabah; tüsho kheaküshe sühkhüh labah nüsanü I ngübah, tümütüsho I Abuh kilim yüchoh.”

JOHAN 7:33

Judüki Jisunü arü ki tha, “I nüsa lung anükhüh ruhde alabah, tüsho I thiyibuh kilim yübah.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

2 KORINT 3:14

Tüsho arü lümkhibo mitingde lah; tümütüsho khihni khiungde arünü awün tangzüng khechoki ju kudukiube mulokhi tümütüsho Khrista hodü lang ha lude tsodo.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang