JOHAN 12:34 - AMÜSÜH HÜM CL Bible (BSI)

³⁴ Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

JOHAN 12:34 Iomraidhean Croise

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

MUNGSHIKHÜN 110:4

Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

MUNGSHIKHÜN 72:7

Api nimungbo ching thiyuro-lungkirü lalim tsüde alabah, tüsho khinu mülayi khiungde mungtsü suhdahde alabah.

ISAIA 53:8

Thsümüchide tüsho mahkhapde api bede tso. Shepünü api arübe-kuhi lümakheah-a laba? Tümüde rhangdung lakhi lomi chingnü api dükheakshih, I mihtsürünü alakmihkhi dün shik.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

MATHI 16:13

Küyimki Jisu ju Kaesarea Filipi lomi ching arükhea, apinü ajingyanrübo ki keokhi, “Mihtsürübonü Mihtsürü Tsührü ju shepü ah de thacho?”

MATHI 21:10

Küyimki Jisu ju Jirusalem ching yüzahkhea, kiuto abümnü arhunganimde tha, “Ha Shepü a?”

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

JOHAN 10:34

Jisunü arü ki thalo, “Nüsa thrünpuhbo ah de Thrünpuhnü athakhi nüsa yakzan ching thrüta müla de?

JOHAN 12:32

Tüsho alomi chingnü I bekihsho, mihtsürü alala I kilim bea lubah.”

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

JOHAN 8:28

Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 5:18

Junangde khülangnü alakmihkhinü mihtsürü alala thsungkheak abahyukkhi nangde, khülangnü thiyuro-lungki rhimokhi hode mihtsürü alala thsungkheak rhangdung handarükhi alim mütsanjihchoh.

IBRI 7:24

tüshe api a lünnü alakhinü api amükeam rhimo lün thsungkheak lah.