JOHAN 12:27 - AMÜSÜH HÜM CL Bible (BSI)

²⁷ “Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

JOHAN 12:27 Iomraidhean Croise

MUNGSHIKHÜN 6:3

I me she tode küpkhuklah; tüshe O Atungpuh , külokhüh laba?

MUNGSHIKHÜN 88:3

Tümüde I me küpkhukbonü mide lah, tüsho I rhangdung kiuyuk thüninde yüchoh.

ISAIA 38:15

Tüshe inü tümü thakhea? Tümüde apinü I ki asukdo, tüsho apinü ha rhimokheah. I me khühkhi hode I ayapnepü alala tsoabahdo.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 11:26

Am, Abuh ha nü miki atsü lakheah.

MATHI 26:42

Apinü mahne kipü yülo tüsho tamkhüntamnüde tha, ‘O Abuh, inü muyungde ha pung luakhinbah mutsokhuksho, nü lümkhi thsang.’

MATHI 26:45

Judüki apinü ajingyanrübo kilim arübah tha, ‘Nüsa kheakü khiungde sühakhimde yapla de? Kheahang, kim thünina lah, tüsho Mihtsürü Tsührü aneakrübo khah ching jihdo.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

JOHAN 11:41

Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh.

JOHAN 12:23

Tüshe Jisunü arü ki alo, “Mihtsürü Tsührü müretahpü thsüde kim arüdo.

JOHAN 13:21

Küyimki Jisunü harü thakhea, api me ching küpkhuk, tüsho khipkhitde tha, “Atsütsü inü nüsa ki thachoh, nüsa khülangnü I yinatsühbah.”

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.