JOHAN 12:25 - AMÜSÜH HÜM CL Bible (BSI)

²⁵ Shepünü nihbuh rhangdung muzhochonü ju adükheakbah, tüsho shepünü ha lomi ching nihbuh rhangdung thraneanchonü ju lün rhangdung thsungkheak labah.

JOHAN 12:25 Iomraidhean Croise

T H S AN GYU T H S AN GR ARÜ 2:17

Jumonü inü rhangdung thraneanlah, tümütüsho alomiküp ching tümü rhimokheanü I thsünüdo; tümüde alala akeangkeang tüsho apung dunglim müshamchoh.

MATHI 10:39

Shepü nihbuh rhangdung ngüchonü ju adükheakbah, tüsho shepünü I dünkheaknü api rhangdung dükheakchonü ju angübah.

MATHI 16:25

Tümüde shepünü nihbuh rhangdung khümkhitnebanü ju adükheakbah, tüsho shepü I dünkheaknü nihbuh rhangdung dükheakbanü ju angübah.

MATHI 19:29

Tüsho shepünü I mung dünkheaknü thüyambo, khiungmungrü, chiniurü, abuh, abe, tsührübo yungsho alobo bahjihdünü chi kinü alü ngübah tüsho akheam müla rhangdung yamrüplurüp lubah.

MARK 8:35

Tümüde shepünü nihbuh rhangdung khümkhitpü künbanü ju adükheakbah, tüshe shepünü I tüsho thiyusheak-atsü dünkheak nihbuh rhangdung dükheakchonü akhümkhitbah.

LUKNÜ ATHRÜTKHI THIYUSHEAK-ATSÜ HUHTANYU 14:26

“Khürünü I dunglim arübah abuh, abe, aniube, atsührübo, khiungmungrü le chiniurü, tüsho nihbuh rhangdung she müthraneansho, api I jingyanrü thsüpü müthülün.

LUKNÜ ATHRÜTKHI THIYUSHEAK-ATSÜ HUHTANYU 17:33

Shepünü nihbuh rhangdung khümkhitpü yimchonü adükheakbah, tüsho shepünü nihbuh rhangdung dükheakchonü akhümkhitbah,

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

IBRI 11:35

Aliberübonü arü betsührü asherü arhang kamloa leangkhi. Khürü a atsübe rhangdung ching arhang kamlopü thsüde adükheshihpü reanglode thsümüchide sheshih.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.