JOHAN 11:55 - AMÜSÜH HÜM CL Bible (BSI)

⁵⁵ Jihudarü phungho-thünio thüninde alakheah, tüsho ahihkhühnü nihbuh tsangkhitpü phungho-thünio müngühnü ju lomi chingnü Jirusalem lim wutu.

JOHAN 11:55 Iomraidhean Croise

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

MUNGSHIKHÜN 26:6

Inü amülim mülakhi ching I khah mütsakchoh, tüsho nü kingaün sadam mükamde yüchoh, O Atungpuh ,

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

WÜHKHE 9:10

“ Israel mihtsürübo ki thaang, Nüsa khürü yungsho nü tsührü-tsührü ashemi qiubah müneansho yungsho limshu ching hantsahde lalashe, anihbuhnü Atungpuh ki phunghothünio leangkhibeah.

WÜHKHE 9:6

Tüshe judüki mihtsürü khürünü mihtsürü shekhi mi qiukhi hode müneana lakheah, jumonü arünü ju nimung ching phungho-thünio müleangkhikhuk tüsho arünü ju nimung Mosa le Aron büne miki arü;

MATHI 26:1

Küyimki Jisunü harü alala thakhamkhea, apinü ajingyanrübo ki tha,

MATHI 26:2

“Nüsanü mükheahlah, nimung mahne dunglim phungho-thünio labah, tüsho Mihtsürü Tsührü sangkim ching yümkihpü jihbah.”

MARK 14:1

Nimung mahne dunglim phungho-thünio tüsho phaüm muyukkhi yikhap thünio lakheah. Tüsho amükeam putungrübo le yakzan thsangyurübonü rük thsüde api rambah asheshihpü yim.

LUKNÜ ATHRÜTKHI THIYUSHEAK-ATSÜ HUHTANYU 22:1

Kheakü phungho-thünio de ajikhi phaüm muyukkhi yikhap thünio khiungde arü.

JOHAN 12:1

Judüki phungho-thünio müngüh nimung thuruk lachoki, shebah apinü arhang kamloshihbuh Lazar lapung Bethani ching Jisunü arü.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 2:13

Kheakü Jihudarü phunghothünio thüninde alakheah, tüsho Jisunü Jirusalem lim wutu.

JOHAN 2:6

Ju ching Jihudarünü arüngako müsühmüra thsungkheak ahorikhi qiumuk 20 le 30 yüzahkhi lung pangjiphüh 6 lakheah.

JOHAN 5:1

Ju dunglim Jihudarü thünio khülang lakheah, tüsho Jisunü Jirusalem lim wutu.

JOHAN 6:4

Kheakü Jihudarü phungho-thünio, thüninde alakheah.

YUNIRÜBO RHIMO 21:24

harü mihtsürübo bea lubah arü lung nü tsangkhitang tüsho arü dünkheak bahzübahdojang, junangde arünü ku hütbah. Junangde nü dünkheak arü ki thakhi tümü müla tüshe nü a yakzan yande lah de alalanü amükheahbah.

YUNIRÜBO RHIMO 21:26

Jumonü Paulnü mihtsürübo bea lu tüsho ashidopü arü lung api tsangkhit tüsho atsangkhitkhi nimung bankhitpü tüsho arü aban dünkheak kingaün jihpü lakhi thiyusheak jihpü arüngyam ching yüzah.

YUNIRÜBO RHIMO 24:18

Inü ha rhimode alachoki Asia ching Jihudarü khürünü boto yungsho arhungangüm mülade arüngyam ching I tsangkhita ngü.

1 KORINT 11:28

Mihtsürü abannü yikhap mütsühyide tüsho pung muyungyide nihbuh akeakheahbeah.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 SAMUEL 16:5

Apinü tha, “ Mungtsü chingnü ah; I Atungpuh ki laksah-a kingaünpü arüdo; nüsabo müsühkhitang tüsho I lung laksah-a kingaünkhi ching arang.” Tüsho apinü Jesse le atsührübo müsühkhit tüsho arübo laksah-a kingaünkhi ching jiyuk.