JOHAN 11:53 - AMÜSÜH HÜM CL Bible (BSI)

⁵³ Junangde ju nimungnü arünü api rhangdung lupü rük yim.

JOHAN 11:53 Iomraidhean Croise

THRÜNTAN 37:18

Küyimki api limshu ching arüde arünü angükhea, arü ki api thüninde marüyide arünü api laksahpü rük asah.

NEHEMIA 13:21

Inü arü ki müzünde tha, “Tümü thsükhi nüsanü azhing ching chipi ki bincho? Hade thsülosho nüsa kheak inü khah chungbah.” Jushunü lang arünü Amuni marü.

NEHEMIA 4:16

Jumonü ju ninü rünbah, I yamlarü chamkhühnü rhimo tüsho chamkhühnü thsüh, tsung, sanglüh shuh tüsho thirithsü zülu yihbah aheangshih; tüsho limberübo ju Juda guk alala dunglim zhip.

MUNGSHIKHÜN 113:2

Ha kimnü ründe tüsho lünnü Atungpuh mung müngühmühi thsang!

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 31:13

Tümüde akeangyu thakhi ahihkhüh inü sochoh; thrip aban atrebe lah; arünü I azhihde rük thsüchoh tüsho I rhangdung lupü mülapmüjichoh.

MUNGSHIKHÜN 71:10

Tümüde I riribonü I azhihde asukchoh; tüsho I rhangdung lupü jimde abinrü rukhühnü rük thsüchoh,

JEREMIA 38:15

Jeremianü Zedekia ki tha, “ Inü nü ki thachoh, tsükjide nünü I müsheshihba de? Tüsho inü nü ki athsunganah jihjih she, nünü I ki anipü yung.”

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

MATHI 12:14

Tüshe Pharisirünü wukhiuk tüsho Jisu laksahpü rük yimmusu.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 22:46

Tüsho shenü she api ki thiyu khülang she malokhuk, yungsho ju nimungnü shenü she api ki mükeokhidebah.

MATHI 26:4

tüsho arünü rük thsüde Jisu rama lubah alaksahpü lümkhi thsü.

MATHI 26:59

Kheakü amükeam putungrübo, azothsürübo, tüsho kiuthsü-binkiu alalanü api sheshihpü Jisu azhihde arükchih thiyumütsan yim,

MARK 14:1

Nimung mahne dunglim phungho-thünio tüsho phaüm muyukkhi yikhap thünio lakheah. Tüsho amükeam putungrübo le yakzan thsangyurübonü rük thsüde api rambah asheshihpü yim.

MARK 3:6

Judüki Pharisirübonü wukhiuk tüsho Herod jingyanrübo bebah küde thsübah api laksahbanü api azhihde rük yim.

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 12:10

Jumonü amükeam putungrübonü Lazar she asheshihpü lümkhi thsü,

JOHAN 7:1

Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

YUNIRÜBO RHIMO 9:23

Nimung ahihkhüh ho dunglim, Jihudarübonü api laksahpü rük yim,