JOHAN 11:51 - AMÜSÜH HÜM CL Bible (BSI)

⁵¹ Apinü ha anihbuh küdahnü mütha, tüshe ju kam achangbe amükeamrü thsükhinü Jisu ju Jihudarü trükshih dünkheak shebah de müchit,

JOHAN 11:51 Iomraidhean Croise

ABEKHIT 28:30

Tüsho mahkhap treangkhümbe kheak ju Urim tüsho Thummim yihkihang, tüsho Aron Atungpuh miki yüchoki jurü akhüh kheak labah. Junangde Israelrü mahkhappü Aron khüh kheak Atungpuh miki mutuklode ahanbah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

WÜHKHE 22:28

Judüki Atungpuhnü donki mün khimshuhjih, tüsho donkinü Balaam ki tha, “ Inü nü ki tümü rhimokhi, nünü I kheak mahsam ki rhapkhea?”

WÜHKHE 24:2

Tüsho Balaamnü amük züngkihbah kheahshe Israelrübo trük binkheamde ngü. Tüsho Thrünpuh memüsüh api kheak arü,

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

JOHAN 10:15

I Buhnü I mükheahkhi nangde, inü I Buh mükheahlah; tüsho inü namfimihnubo thsungkheak I rhangdung jihchoh.

JOHAN 11:49

Tüsho arü bolung, ju kam achangbe amükeambuh Kaifanü arü ki tha, “Nüsanü tümü mümükheah.

JOHAN 18:13

Tüsho arünü api ju akhuhde Anna kilim bede yü, tümüde api ju, ju kam achangbe amükeamrü Kaifa akü lakheah.

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.