JOHAN 11:47 - AMÜSÜH HÜM CL Bible (BSI)

⁴⁷ Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 11:47 Iomraidhean Croise

MATHI 26:3

Judüki amükeam putungrübo, athrütrübo tüsho mihtsürübo kurung azothsürübo Kaifa de ajikhi achangbe amükeamrü yam ching mukhung,

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MARK 14:1

Nimung mahne dunglim phungho-thünio tüsho phaüm muyukkhi yikhap thünio lakheah. Tüsho amükeam putungrübo le yakzan thsangyurübonü rük thsüde api rambah asheshihpü yim.

LUKNÜ ATHRÜTKHI THIYUSHEAK-ATSÜ HUHTANYU 22:2

Tüsho amükeam putungrübo tüsho yakzan thsangyurübonü api laksahpü rük yim, tümüde arünü mihtsürübo trede alakheah.

JOHAN 11:57

Kheakü amükeam putungrü tüsho Pharisirü chidonü, khürünü api ngüsho thiyusheak jihang junangde arünü api rambah de thiyukhüm jih.

JOHAN 12:19

Jumonü Pharisirünü arü bolung thaachih, “Nüsanü tümü müthsükhukkhi nüsanü ngülah. Kheahang, alominü api dunglim yüabahdo!”

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 6:2

Judüki yimto ato khülangnü api dunglim yan, tümütüsho apinü tukthsürü kheak khinthiyinbebo rhimokhi arünü ngü.

JOHAN 7:32

Botonü api dünkheak phiphirarakhi sobah Pharisirü le amükeam putungrübonü api rampü atorübo yüshih.

JOHAN 7:45

Küyimki atorübo arükheanü amükeam putungrübo le Pharisirübonü arü ki keo, “Tümü thsükhi nüsanü api bede marükhea?”

YUNIRÜBO RHIMO 5:21

Küyimki arünü ju sokheanü yapsu mükikde arüngyam ching yüzahbah thsangyu. Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih.

YUNIRÜBO RHIMO 5:24

Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah.