JOHAN 11:45 - AMÜSÜH HÜM CL Bible (BSI)

⁴⁵ Judüki Mari lung arürü Jihudarü ahihkhühnü Jisunü arhimokhi ngübah api kheak kin.

JOHAN 11:45 Iomraidhean Croise

ABEKHIT 14:31

Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

JOHAN 10:41

Judüki ahihkhüh api ki arübah tha, “Johannü khinthiyinbe mürhimo, tüshe Johannü ha mihtsürü dünkheak thakhi alala thiyuro lah.”

JOHAN 11:19

Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah.

JOHAN 11:31

Judüki alibe mulong shukheamde thüyam ching lakhi Jihudarübonü Mari wusubah nahde awukhiukkhi ngübah alibe yande wungdo wukhiukbah tha, “Alibe a kiuyuk ching mitrippü yüchoh.”

JOHAN 12:42

Judüalalashe yakzanshuhrü bolung ahihkhühnü api kheak kin, tüshe Pharisirübo dünkheaknü arünü api ki malokhi, jude yungsho sinagog chingnü ayankhitbah;

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 7:31

Tüsho mihtsürü ahihkhühnü api kheak kinde tha, “Küyimki Khrista arübanü ha mihtsürünü arhimokhi kheaknü apinü khinthiyinbe alü rhimoba shi?”