JOHAN 11:41 - AMÜSÜH HÜM CL Bible (BSI)

⁴¹ Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh.

JOHAN 11:41 Iomraidhean Croise

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 11:26

Am, Abuh ha nü miki atsü lakheah.

MATHI 27:60

tüsho lung chingnü akiukhi anihbuh kiuyuk aso ching zo; tüsho kiuyuk mün kheak lung ato khülang lahkih-a zobah tsoabah.

MARK 15:46

Judüki apinü khimthünak thulobah api yihkhi tüsho khimthünak ching hing. Tüsho apinü lung ching kiukhi kiuyuk ching api yapshih, tüsho kiuyuk mi kheak lung khülang lahkih-a zo.

LUKNÜ ATHRÜTKHI THIYUSHEAK-ATSÜ HUHTANYU 10:21

Ju kim ching Jisunü Me ching asüh, tüsho tha, “Yinmi tüsho alomi Tungpuh, Abuh, nünü harü lümlung tüsho mükheahmudurü kheak ram tüsho khungarübo ki akhiuka huhkhi dünkheak inü nü shijihchoh. Am, Abuh, haju nü mük ki atsü lakheah.

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

LUKNÜ ATHRÜTKHI THIYUSHEAK-ATSÜ HUHTANYU 24:2

Lungto ju kiuyuk kheaknü lah-a bahkhi arünü ngü,

JOHAN 11:22

Tüshe kheaküshe Thrünpuh ki nünü tümüpürü kheangbanü, nü kilim jihbah de inü mükheahlah.”

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

JOHAN 20:1

Amu-khip akhuhbe nimung, mitingde alachoki mükikde Mari Magdalennü kiuyuk ching arü, tüsho lung ju kiuyuk kheaknü lahkhia bah-a ngü.

YUNIRÜBO RHIMO 7:55

Tüshe Amüsüh Menü mide apinü yinmi lim kheah tüsho Thrünpuh müretah tüsho akhah tsülim Jisu zhipde ngü;

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.