JOHAN 11:40 - AMÜSÜH HÜM CL Bible (BSI)

⁴⁰ Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?”

JOHAN 11:40 Iomraidhean Croise

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

MUNGSHIKHÜN 63:2

Jumonü nü wu tüsho nü müretah ngüpü, inü arüngakopung ching nü kheahdo.

MUNGSHIKHÜN 90:16

Nü yamlarübo ki nü rhimo, tüsho arü tsührübo ki nü müretah akhiuka huhang.

ABEKHIT 16:7

tüsho yapsu nüsanü Atungpuh müretahkhi ngübah, tümütüsho Atungpuh azhihde nüsanü dapdapneangneangkhi apinü sodo. Ike tümü ah de nüsanü ike azhihde dapdapneangneangcho?”

MATHI 17:20

Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

MARK 9:23

Jisunü api ki tha, “Nünü kinsho! Shepünü kinchonü api thsungkheak alala akukpü lah.”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 11:4

Jisunü ju sobah tha, “Ha tukthsü ju ashebe yung, tüshe Thrünpuh tsührü müretahbah.”

JOHAN 12:41

Harü Isaianü api müretah ngüchoki tüsho api dünkheak asukchoki thakheah.

JOHAN 9:3

Jisunü alo, “Ha mihtsürü yungsho api berübuhrünü she neak müyihbeak, tüshe Thrünpuh rhimo api kheak akhiukpü lah.

ROMRÜ KILIM PAULNÜ ATHRÜTKHI KIHÜM HUHTANYU 6:4

Jumonü ashekhi ching baptikhinü isa api lung kiuyukabah, junangde Abuh müretahkhi hode Khrista ashe chingnü asürüshihkhi ruk isa she rhangdung aso ching tsahbeah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.