JOHAN 11:4 - AMÜSÜH HÜM CL Bible (BSI)

⁴ Jisunü ju sobah tha, “Ha tukthsü ju ashebe yung, tüshe Thrünpuh tsührü müretahbah.”

JOHAN 11:4 Iomraidhean Croise

ABEKHIT 16:7

tüsho yapsu nüsanü Atungpuh müretahkhi ngübah, tümütüsho Atungpuh azhihde nüsanü dapdapneangneangkhi apinü sodo. Ike tümü ah de nüsanü ike azhihde dapdapneangneangcho?”

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 11:40

Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?”

JOHAN 12:28

Abuh, nü mung müretahang.” Judüki yinmi chingnü düsheak khülang arü, “Inü müretahdo tüsho kheaküshe müretahbah.”

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

JOHAN 17:10

I yo alala nü yo, tüsho nü yobo I yo ah, tüsho inü jurü ching müretahchoh.

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

JOHAN 8:54

Jisunü alo, “Inü I küdahnü wüntresho, I wüntrekhi tümü müla. Nüsanü shepü nüsa Thrünpuh ah de thachonü, I Buhnü I wüntre jihchoh.

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”

JOHAN 9:3

Jisunü alo, “Ha mihtsürü yungsho api berübuhrünü she neak müyihbeak, tüshe Thrünpuh rhimo api kheak akhiukpü lah.

ROMRÜ KILIM PAULNÜ ATHRÜTKHI KIHÜM HUHTANYU 11:11

Jumonü inü keokhichoh, arü angakpü jingmükhedü de? Jude yung! Tüshe Israel mükthsüshihpü thsüde arünü alakmihkhi hode khiungkerü kilim akhümkhit arü.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.