JOHAN 11:26 - AMÜSÜH HÜM CL Bible (BSI)

²⁶ Tüsho sherünü I kheak lacho tüsho kinchonü küyimkishe müshe. Nünü ha kincho shi?”

JOHAN 11:26 Iomraidhean Croise

MATHI 26:53

Kheakü I kilim yunirü boto thürükheak mahne kheaknü she alü arüshihpü inü I Buh ki mütamkhüntamnükhuk de nüsanü lümcho de?

MATHI 9:28

Küyimki api thüyam lim arükhea, müktukrü mihtsürübonü api kilim arü. Jisunü ane ki tha, “Inü ha thsükhuklah de nükenü kincho shi?” Anenü api ki alo, “Am, Atungpuh.”

MARK 9:23

Jisunü api ki tha, “Nünü kinsho! Shepünü kinchonü api thsungkheak alala akukpü lah.”

JOHAN 10:28

Inü arü kilim lün rhangdung jihchoh, tüsho arübo küyimkishe müdükheak; yungsho shenü she I khah chingnü arübo jangkhide mutso.

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 6:47

Atsütsü inü nüsa ki thachoh, shepünü I kheak kinchonü akheam müla rhangdung lah.

JOHAN 9:35

Arünü api yankhitdo de Jisunü so; tüsho apinü anihbuh ngübah tha, “Nünü Thrünpuh tsührü kheak kincho shi?”

ROMRÜ KILIM PAULNÜ ATHRÜTKHI KIHÜM HUHTANYU 8:13

Tümüde nüsanü shih ayannü lasho nüsa ashebah, tüshe nüsa Me hode pangnü arhimomihkhibo sheshihsho, nüsa arhang labah,