JOHAN 11:19 - AMÜSÜH HÜM CL Bible (BSI)

¹⁹ Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah.

JOHAN 11:19 Iomraidhean Croise

THRÜNTAN 37:35

Tüsho api tsührübo le tsührübebo alalanü api shukheampü wusurü; tüshe apinü ashukheampü arochih tüsho tha, “Tümüde I tsührü shepung I tüzhode ayükibah.” Hanangde abuhnü api thsungkheak mitrip.

2 SAMUEL 10:2

Davidnü tha, “Nahashnü I ki thiyuro-amuzho huhkhi nangde inü api tsührü Hanun ki thiyuro-amuzho huhbah.” Jumonü Davidnü yunithsürü thiyia anihbuh abuh dünkheak mulong shukheamshihpü yüshih. Küyimki David yunithsürü Amonrü lo ching arükhea,

1 KIUTHSÜYUKHEAN 10:12

thirithsürü athrungrü alala tsahmusu tüsho Saul pang le api tsührübo pang lubah tso, tüsho jurübo Jabesh ching lude arü. Judüki arünü arü robo Jabesh ching thülamsang khüp kiuyukabah, tüsho arünü nimung thüne khümkeak thsü.

JOB HU H T ANYU 2:11

Kheakü küyimki api kheak harü küpkhukbo arükhi Job müyamrü mahsamnü asokhea, mihbüm abannü nihbuh yam chingnü tsahmusu– Temarü Eliphaz, Shuhairü Bildad, tüsho Naamarü Zophar. Arünü yübah api lung tüzhopü tüsho shukheampü shoruachih.

JOB HU H T ANYU 42:11

Judüki api khiungmungrü tüsho chiniurübo tüsho püpüki api mükheahachihrü alala api kilim arü, tüsho arünü anihbuh yam ching api lung yikhap tsüh; Atungpuhnü api kheak thsümütsü alala hande arükhi thsungkheak arünü api kheak are dükhi huh tüsho mulong shukheam; tüsho arü abannü api kilim sho tüsho suna yingkhüm jih.

T H S AN GYU T H S AN GR ARÜ 7:2

Aniojikhi yam ching yükhi kheaknü mitrip yam ching yükhi atsübe; tümüde ha mihbüm aban thsungkheak akheam lah, tüsho arhang larünü ju mulong ching zobah.

ISAIA 51:19

Thsümütsü mahne nü kheak yükihdo –shenü nü lung mulong rozhakba?– thsümünima yapkhi tüsho athsümünimkhi khümzung tüsho nukshang– shenü nü shukheamba?

TÜZHOKHI 1:16

Harü thsungkheak inü tripchoh; I mükbo ching chike bukchoh; tümüde ashukheamrü khülang I rhangdung thsakhampü I kheaknü limshude lah; I tsührübo thsümünima lah, tümüde thiririnü kukdo.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 1:21

I ashearakhi arünü sodo, shenü I mushukheam. I riribo alalanü I küpkhuk sodo; nünü ha rhimokhinü arü asühchoh. Nünü alokhikhi nimung hande arang tüsho arü she I ruk lashang.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

LUKNÜ ATHRÜTKHI THIYUSHEAK-ATSÜ HUHTANYU 10:39

Tüsho Mari de ajikhi anünürünü she Jisu jing ki bin tüsho api yu ani.

LUKNÜ ATHRÜTKHI THIYUSHEAK-ATSÜ HUHTANYU 10:42

tüshe khülang lang yihnüpü lah. Marinü alungkibe mokhitdo, tüsho ju alibe kheaknü lude mutso.”

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 11:1

Kheakü mihtsürü khülang amung Lazar tukthsüde alakheah. Api ju Mari tüsho achi Martha kiulong Bethani chingnü alakheah.

JOHAN 11:31

Judüki alibe mulong shukheamde thüyam ching lakhi Jihudarübonü Mari wusubah nahde awukhiukkhi ngübah alibe yande wungdo wukhiukbah tha, “Alibe a kiuyuk ching mitrippü yüchoh.”

JOHAN 11:33

Jumonü küyimki alibe tüsho anihbe lung arükhi Jihudarü tripkhi Jisunü angükhea, api me ching thsünü tüsho küpkhukde alakheah.

JOHAN 11:36

Judüki Jihudarübonü tha, “Apinü küdükhüh anihbuh muzholanü kheahang!”

JOHAN 11:45

Judüki Mari lung arürü Jihudarü ahihkhühnü Jisunü arhimokhi ngübah api kheak kin.

JOHAN 11:8

Jingyanrübonü api ki tha, “Thsangyubuh, kheakü lang Jihudarünü nü kingpü yimdo, tüsho nüa ju ching alode ayüba de?”

ROMRÜ KILIM PAULNÜ ATHRÜTKHI KIHÜM HUHTANYU 12:15

Asühachihrü lung asühachihang, atriprü lung tripang.

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

1 TESALONIKA 4:18

Jumonü harü yubonü khülangnü khülang mulong shukheamachihang.

1 TESALONIKA 5:11

Jumonü nüsanü rhimode alakhi nangde khülangnü khülang tuthsukachihang tüsho shuhkihachihang.

1 SAMUEL 31:13

Jushu arünü arü robo lu tüsho Jabesh ching lakhi tamarisk sang khüp kiuyukabah, tüsho nimung thüne khümkeak thsü.