JOHAN 11:11 - AMÜSÜH HÜM CL Bible (BSI)

¹¹ Apinü harü tha, tüsho ju dunglim arü ki tha, “Isa müyamrü Lazar yapa lah, tüshe inü api yihmusupü thsüde ayübah.”

JOHAN 11:11 Iomraidhean Croise

2 KIULONG THSÜRÜ 4:31

Gehazinü arü müngüh yü tüsho azübuh miro kheak tso yihkih, tüshe rhangdung thsungkheaknü düsheak tüsho amütsan mülakheah. Apinü anihbuh shorupü alode arü tüsho api ki tha, “ Khungarü masürü.”

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

ABEKHIT 33:11

Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

MATHI 27:52

tüsho kiuyukbo khimshuh; shea lakhi amüsührü pangbo ahihkhüh arhang kamlode asürü;

MATHI 9:24

apinü arü ki tha, “Atrütang, tümüde anünübe müshe, tüshe ayapshekhi lang lah.” Tüshe arünü api ki münejih.

MARK 5:39

Küyimki api yükheanü, apinü arü ki tha, “Tümü thsükhi ha arhunganimkhi tüsho atripkhi la? Azürü ju müshe, tüshe ayapkhi lang ah.”

JOHAN 11:10

Tüshe khürünü azhing ching tsahsho, api jing mükhechoh, tümütüsho api kheak ayin müla.”

JOHAN 11:12

Judüki jingyanrübonü tha, “Atungpuh, api yapa lasho atsübah.”

JOHAN 11:13

Jisunü api shekhi thakheah tüshe ayapkhi ching sühakhimkhi apinü thachoh de arünü lüm.

JOHAN 11:3

Jumonü achi pürünü api ki yüshihde tha, “Atungpuh, nünü muzhode alabuh tukthsülah.”

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

YUNIRÜBO RHIMO 7:60

Tüsho apinü khukningbah düsheak achangnü zhi, “Atungpuh, arü azhihde ha neak dülümkhitjih.” Küyimki apinü ha thakhea, api sheabah.

1 KORINT 15:18

Judüasho sherü Khrista lung shedünü dükheakdo.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

1 KORINT 15:51

Kheahang! Inü nüsa ki aramyu thachoh. Isa alala müshe, tüshe isa alala amüthribah,

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

1 TESALONIKA 5:10

Isa arhang lalashe yungsho shea lalashe api lung isa rukhüh lapü thsüde isa dünkheaknü api she.

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.