JOHAN 11:1 - AMÜSÜH HÜM CL Bible (BSI)

¹ Kheakü mihtsürü khülang amung Lazar tukthsüde alakheah. Api ju Mari tüsho achi Martha kiulong Bethani chingnü alakheah.

JOHAN 11:1 Iomraidhean Croise

THRÜNTAN 48:1

Kim anükhüh dunglim Josep ki tha, “Nü buh tukthsülah”; jumonü apinü atsührüne Manase tüsho Ephraim api lung bebah Jakob shorupü yü.

MATHI 21:17

Tüsho apinü arü bahjihbah kiuto chingnü Bethani lim wukhiuk tüsho ju ching yap.

MARK 11:1

Küyimki arübo Jirusalem phüni Oliv Müzüng ching, Bethphage tüsho Bethani ching arükhea, apinü ajingyanrü mahne thiyia yüshih;

JOHAN 11:11

Apinü harü tha, tüsho ju dunglim arü ki tha, “Isa müyamrü Lazar yapa lah, tüshe inü api yihmusupü thsüde ayübah.”

JOHAN 11:18

Kheakü Bethani ju Jirusalem phünide mail 2 bande alakheah.

JOHAN 11:19

Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah.

JOHAN 11:3

Jumonü achi pürünü api ki yüshihde tha, “Atungpuh, nünü muzhode alabuh tukthsülah.”

JOHAN 12:17

Jumonü apinü Lazar kiuyuk chingnü ajikhitchoki tüsho ashe chingnü api arhang kamloshihchoki api lung larü mihtsürünü thiyumütsan thsü.

JOHAN 12:9

Judüki Jihudarü ahihkhühnü api ju ching lakhi mükheah; tüsho arünü Jisu thsungkheaknü lang yung, tüshe apinü ashe chingnü arhang kamloshihkhi Lazar she akheahpü arükheah.

YUNIRÜBO RHIMO 9:37

Ju kim ching alibe tukthsü tüsho sheabah; alibe pang ju müsüh tüsho achangbe khiungshak ching yapshih.