JOHAN 10:7 - AMÜSÜH HÜM CL Bible (BSI)

⁷ Judüki Jisunü arü ki tha, “Atsütsü inü nüsa ki thachoh, I namfimihnu ripit ah.

JOHAN 10:7 Iomraidhean Croise

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 79:13

Jumonü, isa nü mihtsürü tüsho nü yo rimlopung namfimihnubonü, lünnü nü ki makshe jihbah; isanü lünbo alala ki nü shijihkhi huhbah.

MUNGSHIKHÜN 95:7

Tümüde api isa Thrünpuh, tüsho isa api rimlopung mihtsürü, tüsho api khah ching namfimihnubo ah. Khihni nüsanü api düsheak aniang:

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

EZEKIEL 34:31

Nüsa I yo namfimihnu, I rimlopung yo namfimihnu, tüsho I nüsa Thrünpuh, Atungpuh Thrünpuhnü thachoh.

EZEKIEL 36:38

Laksah-a kingaünpü namfimihnu boto nangde, thünio kim ching Jirusalem ching namfimihnu boto nangde, mihtsürübonü athsümünimkhi kiutobo mibah. Judüki I Atungpuh de arünü mükheahbah.

JOHAN 10:1

Atsütsü inü nüsa ki thachoh, “Shepünü ripit chingnü yungde püpü limronü künde namfimihnubo yam ching yüzahchonü ahührü tüsho jangkhijangrarü ah.

JOHAN 10:9

I ripit ah. Khürünü I hode yüzahsho, api khümkhitbah, tüsho yüzahla akhiukla de rimlopung ngübah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

EFISIA 2:18

tümütüsho api hode isa chido Me khülang ching Abuh kilim arüshihpü lah.