JOHAN 10:6 - AMÜSÜH HÜM CL Bible (BSI)

⁶ Jisunü ha shihdanglimyu arü ki tha, tüshe apinü arü ki asukkhi arünü manikhit.

JOHAN 10:6 Iomraidhean Croise

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

MUNGSHIKHÜN 82:5

Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

MÜCHITMUDU 28:5

Amütsü mihtsürünü thiyuro mümükheah, tüshe sherünü A TUN GPU H yimchonü alala anikhitlah.

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

MATHI 13:34

Jisunü harü alala shihdanglimyubo chingnü boto ki asuk; tüsho shihdanglimyu mübedüa apinü arü ki masuk,

MATHI 13:51

Jisunü arü ki tha, “Nüsanü harü alala anikhitdü shi?” Arünü api ki alo, “Am, Atungpuh.”

MARK 4:34

Tüshe shihdanglimyu mübedüa apinü arü ki mütha. Tüsho küyimki arü mükhingde lakhea, apinü ajingyanrübo ki alala thanaka huh.

JOHAN 16:25

“Harü inü rüklimnü nüsa ki asukdo; tüshe inü nüsa ki rüklimnü müthapü kim arüchoh, tüshe inü nüsa ki Abuh dünkheak khipkhitde athabah.

JOHAN 16:29

Ajingyanrübonü api ki tha, “Kheahang, kheakü nünü khipkhitde thachoh, tüsho rüklimnü mütha!

JOHAN 6:52

Jumonü Jihudarübonü arü bolung arhungangümde tha, “Küde thsah ha mihtsürünü isa kilim api shih tsühpü jihpü?”

JOHAN 6:60

Jumonü api jingyanrübo ahihkhühnü ha sochoki tha, “Ha thakhi achak ah; shenü ju anikhitkhukba?”

JOHAN 7:36

Apinü ha tümü thacho, ‘Nüsanü I yimbah, tüshe I müngü, tüsho I küching lanü nüsanü marükhuk’?”

JOHAN 8:27

Apinü arü ki Abuh dünkheak thakheah de arünü manikhit.

JOHAN 8:43

Tümü thsükhi nüsanü I yu manikhitcho? Tümütüsho nüsanü I yu anipü marümkheam.

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

2 PETER 2:22

Thiyuro müchitmudu yande arü kheak dünjido: “Khihnunü apinü amülümkhi lim rholode yüchoh,” tüsho, “Kheaknu dretonü kemüyihbah akhimniuhniuh ching awuhpung lim alode yüchoh.”

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.