JOHAN 10:35 - AMÜSÜH HÜM CL Bible (BSI)

³⁵ Apinü Thrünpuh yu arüshihrü ki thrünpuhbo de jisho (tüsho amüsühyu ju müthsümünimkhuk),

JOHAN 10:35 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

2 SAMUEL 7:5

“Yüang tüsho I yamlarü David ki thaang: Atungpuhnü ha thachoh: I lashihpü thüyam khülang thsüpü ju nü a de?

2 KIULONG THSÜRÜ 15:12

Ha Atungpuhnü Jehu kilim alokhikhi lakheah, “Lün phüyipü khiungde nü tsührübonü Israel kiulongthsübinkiu kheak binbah.” Tüsho jude dünji.

1 KIUTHSÜYUKHEAN 22:8

Tüshe Atungpuh yu I ki arü, ‘Nünü thiyih hihde bukdo tüsho hihde thirithsüdo; nünü I mung ching thüyam müthsü, tümütüsho alomi ching I miki nünü hihde thiyih bukdo.

2 KIUTHSÜYUKHEAN 19:2

Hanani tsührü wukihbuh Jehunü api shorupü wukhiuk tüsho kiulongthsüpuh Jehoshaphat ki tha, “Nünü mihbukmuyuk rungba shi tüsho Atungpuh thraneanrü muzhoba shi? Ha dünkheaknü, nü azhihde bukakhiukkhi Atungpuh kheaknü wukhiukdo.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MATHI 27:35

Judüki arünü api yümkih, tüsho azan thsüde api khimmih chama lu, junangde wukihrünü athakhi dünjipü lakheah: “Arünü arü bolung I khimmihbo chama lu, tüsho I khimmih thsungkheak arünü azan thsü.”

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

LUKNÜ ATHRÜTKHI THIYUSHEAK-ATSÜ HUHTANYU 16:17

Yakzan yo thiyumük khülang yihkhita bahpü kheaknü a thüning le alomi dükheakpü athülihbe ah.

JOHAN 10:34

Jisunü arü ki thalo, “Nüsa thrünpuhbo ah de Thrünpuhnü athakhi nüsa yakzan ching thrüta müla de?

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 19:28

Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!”

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

YUZÜNGTHALO 18:15

Atungpuh nüsa Thrünpuhnü nüsa thsungkheak wukihrü I nangde nüsa tüsho keoniorü bolungnü akhiukshihbah. Nüsanü api ki anibah.

1 SAMUEL 15:1

Samuelnü Saul ki tha, “Atungpuhnü nü Israel mihtsürü kurungkheak kiulongthsürü thsüshihpü thsüde mujude-mokhitshihpü I arüshih; jumonü kheakü Atungpuh yu aniang.

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.

1 SAMUEL 30:8

Davidnü Atungpuh ki keokhi, “Inü thiriribo ha müshamanü de? Inü arü tholoba shi?” Apinü anihbuh ki tha, “Yande müshamang; tümüde tsükjide nünü atholobah tüsho aramrübo khümkhitbah.”