JOHAN 10:29 - AMÜSÜH HÜM CL Bible (BSI)

²⁹ I Buh, shepünü arübo I kilim jihkheanü alala kheaknü atobe ah; tüsho shenü she I Buh khah chingnü arübo müjangkhikhuk.

JOHAN 10:29 Iomraidhean Croise

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

DANIEL 4:3

Api amütsanbo küdükhüh ato, api amüyinsahbebo küdükhüh wuto! Api kiulongthsü ju akheam mülakhi kiulongthsü, tüsho api yakzan shuhkhi lün chingnü lün lah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

JOHAN 10:28

Inü arü kilim lün rhangdung jihchoh, tüsho arübo küyimkishe müdükheak; yungsho shenü she I khah chingnü arübo jangkhide mutso.

JOHAN 10:30

I tüsho I Buh khülang ah.”

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 17:11

Kheaküa I alomi ching müla, tüshe harübo alomi ching lah, tüsho I nü kilim arüchoh. Amüsüh Abuh, nünü I kilim jihrü nü mung hode zojang, junangde isa nangde arü khülang labah.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 17:6

“Nünü alomi chingnü I kilim jihkhi mihtsürübo ki nü mung akhiuka huhdo. Arübo nü yo lakheah, nünü arübo I kilim jih, tüsho arünü nü yu zo.

JOHAN 17:9

Inü arü thsungkheak tamkhüntamnüjihchoh. Inü alomi thsungkheak mütamkhüntamnü tüshe nünü I kilim jihrü thsungkheak, tümüde arübo nü yo ah.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.