JOHAN 10:20 - AMÜSÜH HÜM CL Bible (BSI)

²⁰ Tüsho arü ahihkhühnü tha, “Api amünean me lah tüsho bünchoh. Tümüde nüsanü api ki anicho?”

JOHAN 10:20 Iomraidhean Croise

ISAIA 53:8

Thsümüchide tüsho mahkhapde api bede tso. Shepünü api arübe-kuhi lümakheah-a laba? Tümüde rhangdung lakhi lomi chingnü api dükheakshih, I mihtsürünü alakmihkhi dün shik.

JEREMIA 29:26

Atungpuhnü aküdah thsüde amükeambuh Jehoiada müthri nü amükeambuh kamshih, junangde makharü mihtsürünü wukihrü nangde ahorichoki, anihbuh yinchiliu ching yukde, yinchi-hunghingbe yukjihpü Atungpuh yam ching atorü labah.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 11:18

Tümüde Johan mütsühyungde arü, tüshe arünü thachoh, ‘Api kheak amünean me lah.’

MATHI 9:34

Tüshe Pharisirübonü tha, “Ha amünean mebo atobuh hode apinü amünean mebo yankhitchoh.”

MARK 3:21

Tüshe küyimki api betsührübonü ha dünkheak sokhea, arünü api tholopü wukhiuk, tümüde arünü tha, “Api yingyinga lah.”

JOHAN 7:20

Mihtsürübonü alo tüsho tha, “Nü a amünean me lah. Shepünü nü laksahpü yimcho?”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

YUNIRÜBO RHIMO 26:24

Tüsho apinü hanangde chiloshu, Festanü düsheak achangnü tha, “Paul, nü abünrü ah; nü mükheah atonü nü abünrü kamshihchoh.”