JOHAN 10:18 - AMÜSÜH HÜM CL Bible (BSI)

¹⁸ Shenü she I kheaknü muluchoh, tüshe I küdahnü jihchoh. Jihabahpü I wu lah, tüsho ju lulopü I wu lah. Ha yukhüm I Buh kilimnü aleangkhikheah.”

JOHAN 10:18 Iomraidhean Croise

JOHAN 10:11

I namfimihnu neakrü atsü ah. Namfimihnu neakrü atsünü namfimihnubo thsungkheak api rhangdung jihchoh.

JOHAN 10:15

I Buhnü I mükheahkhi nangde, inü I Buh mükheahlah; tüsho inü namfimihnubo thsungkheak I rhangdung jihchoh.

JOHAN 10:17

Jumonü I Buhnü I muzhochoh, tümütüsho inü ju ngülopü thsüde I rhangdung jihchoh.

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

JOHAN 5:26

Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

YUNIRÜBO RHIMO 2:24

Tüshe Thrünpuhnü ashe thsünü dükheakshihde api arhang kamshih, tümütüsho ashenü api tholopü mukukde alakheah.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.