JOHAN 10:16 - AMÜSÜH HÜM CL Bible (BSI)

¹⁶ Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

JOHAN 10:16 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

T H S AN GYU T H S AN GR ARÜ 12:11

Lümlung larünü athakhibo ju tsomüzhean nangde, müchityu hanmukhungkhi ju namfimihnu neakrünü ashuhkhi, ayümramkhi yinchi thsu nangde lah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.

EZEKIEL 37:22

Inü Israel müzüngbo kheak, lomi ching arübo trükshih khülang kamshihbah; tüsho arü alala kurungkheak yakzan shuhpü kiulongthsürü khülang labah. Küyimkishe arü trükshih mahne müla, tüsho küyimkishe arü kiulongthsü mahne mücham.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

LUKNÜ ATHRÜTKHI THIYUSHEAK-ATSÜ HUHTANYU 15:8

“Yungsho aliberü shepünü shotoyinchi nak 10 labah shonak 1 dükheaksho, tsün takkihbah müngüyi khiungde thüyam phütde düshihde mükheahcho?

JOHAN 10:11

I namfimihnu neakrü atsü ah. Namfimihnu neakrü atsünü namfimihnubo thsungkheak api rhangdung jihchoh.

JOHAN 10:2

Tüshe shepünü ripit chingnü yüzahchonü namfimihnu neakrü ah.

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 10:3

Ripit neakrünü api kilim khimshuhjihchoh, tüsho namfimihnunü api düsheak sochoh; tüsho apinü anihbuh yo namfimihnubo mungnü jide bekhita luchoh.

JOHAN 10:4

Tüsho küyimki apinü namfimihnubo bekhitbanü, apinü arü müngüh yüchoh; tüsho namfimihnubonü api yanchoh, tümüde arünü api düsheak mükheahlah.

JOHAN 10:5

Arünü küyimkishe jaksorü dunglim a müyan, tüshe api kheaknü alihde atsobah, tümüde arünü jaksorü düsheak mümükheah.”

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

JOHAN 17:20

“Inü arü thsungkheak lang mütamkhüntamnü, tüshe arü yu hode I kheak kinpü larü thsungkheak she ah;

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

YUNIRÜBO RHIMO 18:10

tümüde I nü lung lah, tüsho mihtsürü shenü she nü trünthsüpü mukuk; tümüde ha kiuto ching I mihtsürü ahihkhüh lah.”

YUNIRÜBO RHIMO 22:14

Tüsho apinü tha, ‘Isa jipürü Thrünpuhnü api lümkhi mükheahpü Alungkibuh Khülang ngüpü tüsho api düsheak anipü nü mokhitdo;

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

1 PETER 2:10

Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.