JOHAN 10:12 - AMÜSÜH HÜM CL Bible (BSI)

¹² Shepü namfimihnu neakrü yungde amulokhi la, shepü namfimihnu putungrü yungnü, rimre arükhi ngübah namfimihnubo bahjihbah alihde tsochoh; rimrenü namfimihnubo tholochoh tüsho yanmüzütchoh.

JOHAN 10:12 Iomraidhean Croise

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

JOHAN 10:13

Amulokhinü alihde tsochoh tümütüsho api ju amulokheah tüsho namfimihnubo thsungkheak sükde mülüm.

JOHAN 10:2

Tüshe shepünü ripit chingnü yüzahchonü namfimihnu neakrü ah.

JOHAN 10:3

Ripit neakrünü api kilim khimshuhjihchoh, tüsho namfimihnunü api düsheak sochoh; tüsho apinü anihbuh yo namfimihnubo mungnü jide bekhita luchoh.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.