JOHAN 1:9 - AMÜSÜH HÜM CL Bible (BSI)

⁹ Thiyuro ayin ju mihtsürü aban kilim ayin jihkhi alomi ching arükheah.

JOHAN 1:9 Iomraidhean Croise

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

MATHI 6:23

Tüshe nü mük mütsüsho, nü pang alala amitingnü mide alabah. Jumonü nü kheak lakhi tsün ju amiting a sho, amiting ju küdükhüh ato laba!

LUKNÜ ATHRÜTKHI THIYUSHEAK-ATSÜ HUHTANYU 11:36

Junangde nü pang alala amiting mülade ayinnü mide lasho, tsünpung ayinatrümnü nü kheak tahkhi nangde nü pang alala ayinnü mide alabah.”

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.

JOHAN 1:7

Ha mihtsürü ju api hode alala kinshihpü ayin thiyumütsan thsüpü arü.

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 15:1

“I kurungasoliu tsütsü, tüsho I Buh ju kurungasolu thsürü.

JOHAN 6:32

Judüki Jisunü arü ki tha, “Atsütsü inü nüsa ki thachoh, Mosanü yinmi chingnü nüsa kilim yikhap jihkhi yung, tüshe I Buhnü yinmi chingnü thiyuro yikhap nüsa kilim jihchoh.

JOHAN 7:12

Tüsho mihtsürü bolung api dünkheak khide phiphirarakhi lakheah. Khürünü tha, “Api tsülah”; püpürünü tha, “Yung, apinü mihtsürü rükakichoh.”

1 JOHAN 1:8

Isa neak müla de isanü thasho, isanü küdah thsüde mülapyukchoh, tüsho isa kheak thiyuro müla.

1 JOHAN 2:8

Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.