JOHAN 1:48 - AMÜSÜH HÜM CL Bible (BSI)

⁴⁸ Nathanaelnü api ki tha, “Küde thsah nünü I mükheahla?” Jisunü api ki alojihde tha, “Philipnü nü müjiyide, nü khubasodung khüp binchoki inü nü ngükheah.”

JOHAN 1:48 Iomraidhean Croise

ISAIA 65:24

Arünü müjiyide inü alobah, arü asukachihde lachoki inü asobah.

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 6:6

Tüshe küyimki nüsanü tamkhüntamnübanü nü yo khiungshak ching yüzahbah khimdopü rihang, tüsho amüngübuh nüsa Abuh ki tamkhüntamnüang. Judüki ramde arhimokhi ngübuh nüsa Abuhnü nüsa thsambah jihbah.

JOHAN 1:44

Kheakü Philip ju Andria le Peter büne kiuto Bethsaida chingnü alakheah.

JOHAN 12:21

Judüki arünü Galilee ching lakhi Bethsaidarü Philip kilim arübah api ki keokhi, “Atobuh, isanü Jisu ngünelah.”

JOHAN 14:8

Philipnü api ki tha, “Atungpuh, isa ki Abuh huhang, tüsho ju isa thsungkheak asuhdah ah.”

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

JOHAN 6:5

Judüki Jisunü yimto ato api kilim arükhi abina ngübah Philip ki tha, “Harü tsühpü isanü yikhap küchingnü athuloba?”

JOHAN 6:7

Philipnü api ki alo, “Shotoyinchi nak 200nü athulokhi yikhapnü arü anini abanpü suhdahbah.”

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.