JOHAN 1:44 - AMÜSÜH HÜM CL Bible (BSI)

⁴⁴ Kheakü Philip ju Andria le Peter büne kiuto Bethsaida chingnü alakheah.

JOHAN 1:44 Iomraidhean Croise

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

MARK 3:18

Andria, Philip, Bartholoma, Mathi, Thoma, Alphia tsührü Jakob, Thadia, Kananrü Simon

MARK 6:45

Apinü boto müzütshihchoki, nahdü lang ajingyanrübo sangkung ching yüzahshih tüsho api müngüh Bethsaida lim yüshih.

MARK 8:22

Judüki api Bethsaida ching arü; tüsho arünü api kilim müktukkhi mihtsürü khülang bedarü tüsho api kheak qiupü mushu.

LUKNÜ ATHRÜTKHI THIYUSHEAK-ATSÜ HUHTANYU 10:13

“Korazin, nü are! Bethsaida, nü are! Tümütüsho nü kheak khinthiyinbebo rhimokhi ruk Tair tüsho Sidon ching rhimokhülaa shungliukhim tüsho awahbo ching binbah adüsonü mulong müthria labah.

LUKNÜ ATHRÜTKHI THIYUSHEAK-ATSÜ HUHTANYU 6:14

apinü Peter de ajikhi Simon, tüsho aniurü Andria, Jakob tüsho Johan, Philip, Bartholoma,

LUKNÜ ATHRÜTKHI THIYUSHEAK-ATSÜ HUHTANYU 9:10

Küyimki amüsüh-thsangyurübonü alode arükheanü arünü arhimokhi alala api ki thaa huh. Tüsho apinü arü bea lubah Bethsaida kiuto yo azhik dangpung ching mükhingde yü.

JOHAN 1:43

Ashidopü Jisunü Galilee ching yüpü pungkhi, tüsho apinü Philip ngübah api ki tha, “I dunglim yanang.”

JOHAN 1:45

Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 1:46

Nathanaelnü api ki tha, “Nazareth chingnü tümükhüh atsü akhiukkhukba de?” Philipnü api ki tha, “Arübah kheahang.”

JOHAN 1:48

Nathanaelnü api ki tha, “Küde thsah nünü I mükheahla?” Jisunü api ki alojihde tha, “Philipnü nü müjiyide, nü khubasodung khüp binchoki inü nü ngükheah.”

JOHAN 12:21

Judüki arünü Galilee ching lakhi Bethsaidarü Philip kilim arübah api ki keokhi, “Atobuh, isanü Jisu ngünelah.”

JOHAN 12:22

Philipnü arübah Andria ki tha, tüsho jushu Andria le Philipnü Jisu ki tha.

JOHAN 6:5

Judüki Jisunü yimto ato api kilim arükhi abina ngübah Philip ki tha, “Harü tsühpü isanü yikhap küchingnü athuloba?”

JOHAN 6:7

Philipnü api ki alo, “Shotoyinchi nak 200nü athulokhi yikhapnü arü anini abanpü suhdahbah.”

YUNIRÜBO RHIMO 1:13

Tüsho küyimki arü yüzahkheanü, arünü arü binkhi achangbe khiungshak ching yükih: Peter, Jakob, Johan, Andria, Philip, Thoma, Bartholoma, Mathi, Alphia tsührü Jakob, Zealot de ajikhi Simon tüsho Jakob tsührü Juda.