JOHAN 1:42 - AMÜSÜH HÜM CL Bible (BSI)

⁴² Tüsho apinü anihbuh Jisu kilim bedarü. Küyimki Jisunü api kheak kheahkhea, apinü tha, “Nü a Jona tsührü Simon ah. Nü Kephas de ajihbah (amütsan Lung Khülang).”

JOHAN 1:42 Iomraidhean Croise

2 KIULONG THSÜRÜ 5:4

Jumonü Naamannü yüzah tüsho Israel lomi chingnü arükhi alibenü athakhi api tungpuh ki tha.

MATHI 10:2

Jingyanrü thürükheak mahne mung harü ah: akhuhbuh ju Peter de ajikhi Simon, tüsho aniurü Andria; Zebedee tsührü Jakob tüsho aniurü Johan;

MARK 3:16

apinü Peter de ajikhi Simon;

LUKNÜ ATHRÜTKHI THIYUSHEAK-ATSÜ HUHTANYU 5:8

Tüshe küyimki Simon Peternü ju ngükhea, apinü Jisu mukhukbo ki khukningde tha, “I kinü chamachihang, tümüde I a aneakrü mihtsürü ah, O Atungpuh.”

LUKNÜ ATHRÜTKHI THIYUSHEAK-ATSÜ HUHTANYU 6:14

apinü Peter de ajikhi Simon, tüsho aniurü Andria, Jakob tüsho Johan, Philip, Bartholoma,

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 21:2

Simon Peter, rüpde-zübekhi de ajikhi Thoma, Galilee ching Kananrü Nathanael, Zebedee tsührübo, tüsho api jingyanrü püpürü mahne rukhüh lakheah.

JOHAN 4:16

Jisunü alibe ki tha, “Yüang tüsho nü niubuh jibah ha ching arang.”

1 KORINT 1:12

Inü athakhi amütsan ju a nüsa mihbüm abannü hade thachoh, “I Paul ruyanrü ah,” yungsho “I Apollo ruyanrü ah,” yungsho “I Kephas ruyanrü ah,” yungsho “I Khrista ruyanrü ah.”

1 KORINT 15:5

tüsho api ju Kephas ki, jushu thürükheak mahne ki akhiuk.

1 KORINT 3:22

Paul, Apollo, Kephas, alomi, rhangdung, ashepü, kheakü yungsho arübe thsüthsü alala nüsa yo ah;

1 KORINT 9:5

Püpürü amüsüh-thsangyurübo tüsho Atungpuh lung keoniorübo le Kephasnü arhimokhi nangde Khristan niuberü khülangnü I atrupü alungki yung de?

GALATIA 1:18

Jushu kam mahsam dunglim Kephas rhua kheahpü I Jirusalem lim wutu, tüsho api lung nimung thürükheak phüngü mung.

GALATIA 2:11

Küyimki Peter ju Antiok ching arükhea, inü api mikinü azhih, tümütüsho api ju mütsande amülim lakheah.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.