JOHAN 1:41 - AMÜSÜH HÜM CL Bible (BSI)

⁴¹ Apinü akhuhde akhiung Simon ngübah api ki tha, “Isanü Messia ngüdo” (amütsan Khrista).

JOHAN 1:41 Iomraidhean Croise

2 KIULONG THSÜRÜ 7:9

Judüki arünü khülangnü khülang ki tha, “Isanü tümü rhimochonü amülim ah. Ha thiyusheak atsü nimung khülang ah; isanü düsheak makhiuksho tüsho yapsu ayin khiungde aleangsho, isa kheak thsümütsü arübah; jumonü isanü yüanü tüsho kiulongthsüpuh yamkhün ki thaanü.”

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 89:20

Inü I yamlarü David ngüdo; inü I yo amüsüh müdangkenü api mujude-mokhitdo,

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

LUKNÜ ATHRÜTKHI THIYUSHEAK-ATSÜ HUHTANYU 2:17

Küyimki arünü angükheanü ha khungarü dünkheak arü ki thakhi arünü thari;

LUKNÜ ATHRÜTKHI THIYUSHEAK-ATSÜ HUHTANYU 2:38

Tüsho ju kim ching atubah alibenü Thrünpuh ki makshe jih, tüsho Jirusalem rhokhitpü kheahde alarü alala ki api dünkheak asuk.

JOHAN 1:45

Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 4:25

Alibenü api ki tha, “Khrista de ajikhi Messia arüchoh. Küyimki api arübanü isa ki lüpdükhi thanaka huhbah.”

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.