JOHAN 1:4 - AMÜSÜH HÜM CL Bible (BSI)

⁴ Api kheak rhangdung lakheah, tüsho rhangdung ju mihtsürü ayin lakheah.

JOHAN 1:4 Iomraidhean Croise

MUNGSHIKHÜN 49:6

mihtsürü sherünü arü lakhit ching kincho tüsho arü lakhit müthangmüsünkhi dünkheak kükheangcho?

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

MATHI 4:16

amiting ching larü mihtsürübonü ayin ato khülang ngü; ashe alamme lomi ching larü kheak ayin akhiuk.”

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 12:46

I ju alomi ching ayinatrüm khülang nangde arü, junangde sherünü I kheak kinbanü amiting ching müla.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 3:19

Tüsho abahyukkhi ha lakhi ju, alomiküp ching ayin arü tüsho mihtsürübonü ayin kheaknü amiting muzho tümütüsho arü rhimobo amütsü lakheah.

JOHAN 5:21

Tümüde Abuhnü asherü arhang kamloshihde arü ki rhangdung jikhi nangde atsührünü she apinü amulongrü ki rhangdung jihchoh.

JOHAN 5:26

Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 9:5

I alomi ching la khiungdüa, I alomi ayinatrüm.”

YUNIRÜBO RHIMO 26:23

Khrista ju thsünübah, junangde akhuhbe thsüde asürübah apinü Jihudarü tüsho khiungkerü chido ki ayin zhiyukbah.”

1 KORINT 15:45

Hanangde ha thrüta lah, “Akhuh mihtsürü Adam rhangdung lakhi mihtsürü kam”; ashube Adam a rhangdung jihbe me kam.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

KOLOSI 3:4

Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

1 JOHAN 5:11

Tüsho Thrünpuhnü isa kilim lün rhangdung jihkhi ha thiyumütsan ah, tüsho ha rhangdung api tsührü kheak lah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”