JOHAN 1:31 - AMÜSÜH HÜM CL Bible (BSI)

³¹ Inü api mümükheah tüshe api Israel ki akhiuka huhpü lah, jumonü inü kenü baptide arü.”

JOHAN 1:31 Iomraidhean Croise

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MATHI 3:13

Judüki Jisunü anihbuhnü baptishihpü Johan kilim Galilee chingnü Jordan ching arü.

MATHI 3:6

tüsho arü neakbo alokhide apinü Jordan ching arübo baptijih.

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

JOHAN 1:30

Ha inü athabuh ju ah, ‘I dunglim arükhi mihtsürü I kheaknü atobe, tümüde api I müngühnü alakheah.’

JOHAN 1:32

Tüsho Johannü thiyumütsan thsüde tha, “Yinmi chingnü müthrithrümpü nangde me akikhi inü ngü tüsho api ju anihbuh kheak la.

JOHAN 1:33

Inü api mümükheah, tüshe shepünü kenü baptipü I thiyikheanü I ki tha, ‘Me akibah api kheak lade shepü nünü angükhea, api ju Amüsüh Menü baptijihbuh lah.’

JOHAN 1:7

Ha mihtsürü ju api hode alala kinshihpü ayin thiyumütsan thsüpü arü.

YUNIRÜBO RHIMO 19:4

Tüsho Paulnü tha, “Johannü api dunglim arükhi Jisu kheak kinpü mihtsürübo ki thade, mulong müthride baptijihkhi lakheah.”