JOHAN 1:27 - AMÜSÜH HÜM CL Bible (BSI)

²⁷ Shepü I dunglim arüchonü ajingkhümpü zhi she inü atrünjihpü müthülün.”

JOHAN 1:27 Iomraidhean Croise

THRÜNTAN 14:23

junangde inü nü yo tümü lang she mulu, hing büm khülang yungsho jingkhümpü zhi khülang she mulu, junangde ‘Inü Abram alarü kamshihkheah’ de nünü müthakhukde alabah.

MATHI 3:11

Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

MARK 1:7

Tüsho apinü thsangyuthsangrade tha, “I kheaknü atobe khülang, inü mükhümbah ajingkhümpü zhi trünjihpü müthülünkhi, I dunglim arüchoh.

LUKNÜ ATHRÜTKHI THIYUSHEAK-ATSÜ HUHTANYU 3:16

Johannü arü alala ki alo, “Inü nüsa kenü baptijihchoh; tüshe I kheaknü atobe, ajingkhümpü zhi she inü atrünjihpü müthülünkhi arümuroh; apinü Amüsüh Me tüsho monü nüsa baptijihbah.

JOHAN 1:15

Johannü api thiyumütsan thsüde tüsho zhide tha, “Inü thade alabuh ju ha, ‘Shepü I dunglim arüchonü I kheaknü atobe, tümüde api I müngühnü alakheah.’ ”

JOHAN 1:30

Ha inü athabuh ju ah, ‘I dunglim arükhi mihtsürü I kheaknü atobe, tümüde api I müngühnü alakheah.’

JOHAN 10:41

Judüki ahihkhüh api ki arübah tha, “Johannü khinthiyinbe mürhimo, tüshe Johannü ha mihtsürü dünkheak thakhi alala thiyuro lah.”

YUNIRÜBO RHIMO 13:25

Johannü api rhimo banpü lachoki tha, ‘Nüsanü I she ah de lümcho? I api yung. Tüshe kheahang, api jingkhümpü zhi inü atrünjihpü müthülünkhi khülang I dunglim arüchoh.’

YUNIRÜBO RHIMO 19:4

Tüsho Paulnü tha, “Johannü api dunglim arükhi Jisu kheak kinpü mihtsürübo ki thade, mulong müthride baptijihkhi lakheah.”