JOHAN 1:19 - AMÜSÜH HÜM CL Bible (BSI)

¹⁹ Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 1:19 Iomraidhean Croise

JOHAN 1:7

Ha mihtsürü ju api hode alala kinshihpü ayin thiyumütsan thsüpü arü.

JOHAN 10:24

Judüki Jihudarünü api zündo tüsho tha, “Külokhüh nünü isa lümshangmang ching lashihba? Nü Khrista a sho isa ki khipkhitde thaang.”

JOHAN 10:31

Judüki Jihudarübonü api kingpü lungbo lulo.

JOHAN 11:19

Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah.

JOHAN 2:18

Jumonü Jihudarübonü api ki tha, “Nünü ha rhimopü alim lah de ahuhpü isa ki khinthiyinbe tümü rhimoba?”

JOHAN 2:20

Judüki Jihudarübonü tha, “Ha arüngyam thsüpü kam yirükheak thuruk ludo, tüsho nünü ju nimung mahsam chingnü athsülopü?”

JOHAN 5:10

Jumonü Jihudarünü athsüngubuh ki tha, “Ha Amuni ah; nünü yapkiu hanpü yakzan müla.”

JOHAN 5:15

Mihtsürü junü chamachih tüsho api thsüngubuh ju Jisu ah de Jihudarü ki tha.

JOHAN 5:16

Ha dünkheaknü Jihudarünü Jisu thsümüchipü tankih, tümütüsho apinü ju Amuni rhimo.

JOHAN 5:18

Jumonü Jihudarünü api laksahpü alü thsüde yim, tümütüsho apinü Amuni lang athsümünimkhi yung, tüshe Thrünpuh ju api Abuh ah de tha, tüsho api ju Thrünpuh lung rukhüh khea lu.

JOHAN 6:41

Jihudarünü neangneangde api azhih, tümütüsho apinü tha, “I ju yinmi chingnü akikhi tsühyungbe ah.”

JOHAN 6:52

Jumonü Jihudarübonü arü bolung arhungangümde tha, “Küde thsah ha mihtsürünü isa kilim api shih tsühpü jihpü?”

JOHAN 7:1

Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

JOHAN 7:11

Judüki Jihudarübonü thünio ching api yimde tha, “Api küching la.”

JOHAN 7:15

Tüsho Jihudarübonü müyinsahde tha, “Ha mihtsürü küyimkishe mükhele küde thsah athrütkhi mükheahla?”

JOHAN 8:22

Jumonü Jihudarübonü tha, “Aküdah thsüde api laksahba shi, tümütüsho apinü thachoh, ‘l küching yübanü nüsanü marükhuk’?”

JOHAN 8:48

Judüki Jihudarünü alo tüsho api ki tha, “Nü Samariarü ah tüsho nü amünean me lah de isanü lungkide mütha de?”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

JOHAN 8:57

Judüki Jihudarünü tha, “Nü kam 50 she müthsüyi tüsho nünü Abraham ngüdü de?”

YUNIRÜBO RHIMO 13:25

Johannü api rhimo banpü lachoki tha, ‘Nüsanü I she ah de lümcho? I api yung. Tüshe kheahang, api jingkhümpü zhi inü atrünjihpü müthülünkhi khülang I dunglim arüchoh.’

YUNIRÜBO RHIMO 19:4

Tüsho Paulnü tha, “Johannü api dunglim arükhi Jisu kheak kinpü mihtsürübo ki thade, mulong müthride baptijihkhi lakheah.”

YUZÜNGTHALO 24:8

“Apham akhiukchoki kümkangang, junangde düshihde kheahyukang tüsho amükeamrü Levirünü nüsa ki thsangyukhi yande rhimoang; inü arübo kilim thiyukhüm jihkhi nangde, nüsanü kümkangde rhimoang.

1 JOHAN 1:5

Thrünpuh ju ayin tüsho api kheak amiting tümü mülade api kilimnü isanü asokhi thiyusheak ha lah tüsho isanü nüsa ki zhiyukchoh.