JOHAN 1:14 - AMÜSÜH HÜM CL Bible (BSI)

¹⁴ Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:14 Iomraidhean Croise

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MUNGSHIKHÜN 85:9

Tsükjide api trerü ki api akhümkhit thüninde lah, junangde müretahkhi isa lomi ching labah.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

EZEKIEL 37:27

I lapung arü lung labah; tüsho I arü Thrünpuh thsübah, tüsho arü ju I mihtsürü thsübah.

MATHI 1:16

Tüsho Jakob kheaknü Jisu Khrista zübejihkhi Mari yamkhünbuh Josep trükkhit.

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

LUKNÜ ATHRÜTKHI THIYUSHEAK-ATSÜ HUHTANYU 2:7

tüsho alibenü nihbe tsührü akhuhbe zübe. Alibenü api ju khim chingnü hinga hi-müjakpung ching yapshih, tümütüsho arü binpü hanyam ching khiungshak mülade alakheah.

LUKNÜ ATHRÜTKHI THIYUSHEAK-ATSÜ HUHTANYU 9:32

Tüshe Peter tüsho api lung berübo yapshea lakheah; tüsho küyimki arü tsüde müsükhea, arünü api müretahkhi tüsho api lung zhipkhi mihtsürü mahne ngü.

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 11:40

Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?”

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 14:9

Jisunü api ki tha, “Philip, I nüsa lung khide ruhde lado, tüsho kheaküshe nünü I mümükheah de? Shepünü I ngüdünü I Buh ngüdo; jumonü küde thsah nünü, ‘Isa ki Abuh huhang,’ de thacho?

JOHAN 17:22

Tüsho isa khülang lakhi nangde arübo khülang lapü thsüde nünü I kilim jihkhi müretah arü kilim jihdo:

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

JOHAN 8:32

Nüsanü thiyuro mükheahbah, tüsho thiyuronü nüsa zuzu kamshihbah.”

YUNIRÜBO RHIMO 13:33

apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah, ‘Nü I tsührü, khihni I nü buh kamdo.’

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

ROMRÜ KILIM PAULNÜ ATHRÜTKHI KIHÜM HUHTANYU 9:5

arü ju Ibri jipürübo kheaknü atrükkhitkhi; tüsho mihtsürü ayannü Khrista ju arü mihtsürü. Alala kurungkheak yakzanshuhrü Thrünpuh lünnü shishang! Amen.

1 KORINT 15:47

Akhuh mihtsürü alomi chingnü, asungthulung mihtsürü ah; mahnepü mihtsürü ju yinmi chingnü ah.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

KOLOSI 1:19

Tümüde api kheak Thrünpuh khiukdahkhi alala lapü asüh,

KOLOSI 2:3

Api kheak lümlung tüsho mükheahmudu rahpung alala rama lah.

KOLOSI 2:9

Tümüde api kheak abanathsangkhi Thrünpuh pangnü lachoh,

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 1:5

Tümüde Thrünpuhnü yunirü she ki she ha ruk mütha, “Nü I tsührü ah, khihni I nü Buh kamdo.” Yungsho kheaküshe, “I api Abuh thsübah, tüsho api I tsührü thsübah.”

IBRI 10:5

Jumonü küyimki Khrista alomi ching arükheanü, apinü tha, “Laksah-a jihkhi tüsho kingaünkhibo nünü mümürüh, tüshe nünü I thsungkheak pang khülang thsakhamjih;

IBRI 2:11

Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde

IBRI 5:5

Junangde Khrista she achangbe amükeamrü thsüpü nihbuh küdahnü ashuhkihkhi yung, tüshe Thrünpuhnü api ki tha, “Nü I tsührü ah, khihni I nü Buh kamdo.”

1 JOHAN 4:14

Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

1 JOHAN 4:9

Hanangde Thrünpuhnü isa bolung api amuzho huh: isanü api hode alapü thsüde Thrünpuhnü api tsührü lapkhiung lakhi alomi ching arüshih.

2 JOHAN 1:7

Jisu Khrista mihtsürü kambah arükhi müleangkhipü lakhi mihtsürübo, mülapyukrü ahihdo alomi ching wukhiukdo; hadürü ju mülapyukrü tüsho Khrista azhihrü ah.

AMIKHEAKAKHIUKKHI 19:13

Apinü aphuyukhi shulünkhim ju thiyih ching thsama lakheah, tüsho api mung ju, “Thrünpuh Yu” de ji.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;