JOHAN 1:12 - AMÜSÜH HÜM CL Bible (BSI)

¹² Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

JOHAN 1:12 Iomraidhean Croise

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

MATHI 10:40

“Shepünü nüsa leangkhichonü I leangkhichoh, tüsho shepünü I leangkhichonü I thiyibuh leangkhichoh.

MATHI 12:21

tüsho mihtsürü alalanü api kheak mulonglam labah.”

MATHI 18:5

Tüsho shepünü I mung chingnü ha azürü nunu khülang leangkhichonü I leangkhichoh.

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

JOHAN 1:7

Ha mihtsürü ju api hode alala kinshihpü ayin thiyumütsan thsüpü arü.

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

YUNIRÜBO RHIMO 3:16

Tüsho api mung ching akin hode nüsanü ngüde mükheahde alakhi ha mihtsürü düküngshih; tüsho Jisu hode apinü ha mihtsürü nüsa alala mikinü phü tsüde kamshih.

ROMRÜ KILIM PAULNÜ ATHRÜTKHI KIHÜM HUHTANYU 8:14

tümütüsho Thrünpuh Menü aberü alala Thrünpuh tsührübo ah.

ROMRÜ KILIM PAULNÜ ATHRÜTKHI KIHÜM HUHTANYU 8:16

Me junü isa Thrünpuh tsührü ah de isa me kheak thiyumütsan thsüchoh,

ROMRÜ KILIM PAULNÜ ATHRÜTKHI KIHÜM HUHTANYU 8:19

Thrünpuh tsührübo thsungkheak amikheak akhiukpü thrüna lakhi alalanü mulong dukde aleanglah;

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

GALATIA 4:6

Tüsho nüsa ju api tsührübo thsükhinü, Thrünpuhnü api tsührü Me nüsa mulongbo ching thiyibah, “Abuh, Abuh!” de zhichoh.

KOLOSI 2:6

Jumonü nüsanü Atungpuh Jisu Khrista leangkhiang, junangde api kheak laang,

2 PETER 1:4

Harü hode apinü khide ato tüsho shoto alokhikhibo isa kilim jih, junangde isanü amüsüh yakli ching shihcham lubah tüsho amütsü künkhinü akhiukshihkhi alomi ching athsümünim chingnü isa tsokhibah.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.