JOHAN 1:1 - AMÜSÜH HÜM CL Bible (BSI)

¹ Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 1:1 Iomraidhean Croise

THRÜNTAN 1:1

Atankih ching Thrünpuhnü thüningbo tüsho alomi thrün.

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

LUKNÜ ATHRÜTKHI THIYUSHEAK-ATSÜ HUHTANYU 24:53

tüsho mutuklode arüngyam ching Thrünpuh shijihde alakheah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 1:2

Atankih chingnü api Thrünpuh lung lakheah.

JOHAN 16:28

Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 20:28

Tüsho Thomanü api ki tha, “I Tungpuh tüsho I Thrünpuh!”

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

ROMRÜ KILIM PAULNÜ ATHRÜTKHI KIHÜM HUHTANYU 9:5

arü ju Ibri jipürübo kheaknü atrükkhitkhi; tüsho mihtsürü ayannü Khrista ju arü mihtsürü. Alala kurungkheak yakzanshuhrü Thrünpuh lünnü shishang! Amen.

EFISIA 3:9

tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah;

FILIPI 2:6

api Thrünpuh nangde lalashe, apinü Thrünpuh akede rukhüh kampü mülüm,

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

KOLOSI 1:17

Alala müngühnü api lah, tüsho alala api kheak zamrulah.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 13:8

Jisu Khrista ju yini, khihni tüsho lünnü rukhüh ah.

IBRI 7:3

Abe yungsho abuh, trükji, atankih nimungbo yungsho akheam rhangdung mülade Thrünpuh tsührü kiphahde api lünnü amükeamrü ah.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

1 JOHAN 5:7

Tüsho Me ju thiyumütsan lah, tümütüsho Me thiyuro ah.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

AMIKHEAKAKHIUKKHI 1:2

apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 19:13

Apinü aphuyukhi shulünkhim ju thiyih ching thsama lakheah, tüsho api mung ju, “Thrünpuh Yu” de ji.

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:13

I Alpha tüsho Omega, akhuhbuh tüsho ashubuh, atankih tüsho akheam.”

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.