JOEL 3:8 - AMÜSÜH HÜM CL Bible (BSI)

⁸ Inü nüsa tsührübo tüsho tsührübebo Juda mihtsürü ki yinbah, tüsho arünü arübo ju limshude alakhi trükshih khülang, Sabeanrü ki yinbah; tümüde Atungpuhnü asukdo.

JOEL 3:8 Iomraidhean Croise

JOB HU H T ANYU 1:15

Sabeanrübo arübah arü lubah tsodo, tüsho yamlarübo nukshangnü laksahdo; nü ki thapü I lang atsokhitkheah.”

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

EZEKIEL 23:42

Anihbe mühide lümamükheahrü boto düsheak lakheah, ju lung alanaji mihtsürü ahihdo sunglo chingnü müshanga bedarü; tüsho arünü aliberübo binbo kheak bingkhümbo yukjih, tüsho ane ku kheak akheahakham kuthranbo thranjih.

EZEKIEL 38:13

Sheba tüsho Dedan tüsho Tarshish shothsümolorü tüsho athunu thirithsürübo alalanü nü ki thabah, “Ajangkhikhi lupü nü arükhea de? Ayankhikhi hanpü, shotoyinchi tüsho suna hande atsopü, moshi tüsho kukrukbo hande atsopü, ahüh-a lukhi atokhüh lupü nünü mihbo bemukhungkhea de?”

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.

MAHKHAPRÜ 4:9

Jumonü anihbenü tha, “ Tsükjide I nü lung yübah; tüshe nü yüpü lakhi ching nü müretah müla, tümüde Atungpuhnü Sisera ju alibe kilim jihbah. Jumonü Deboranü Barak lung Kadesh ching yü.”