JOEL 3:7 - AMÜSÜH HÜM CL Bible (BSI)

⁷ Kheahang, inü arübo nüsanü ayinpung chingnü abekhitbah, tüsho inü nüsa rhimobo nüsa ku kheak jihlobah.

JOEL 3:7 Iomraidhean Croise

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

JEREMIA 23:8

tüshe “Atungpuh lale, shepünü Israel yamkhün tsührübo dukulim lomi tüsho apinü arü yanmüzütpung lomi alala chingnü bekhit tüsho bekhea.” Tüsho arübonü arü nihbuh lomi ching labah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 31:8

Kheahang, inü dukulim lomi chingnü arübo bedarüpü lah, tüsho limshu lomi chingnü arü bolung müktukrü tüsho jingkikrü, berünü khungarü hanbah tüsho thsünüde, rukhühnü bemukhungbah; boto ato, arübo ha ching alodarübah.

JEREMIA 32:37

kheahang, I bukakhiukde amüzütshihpungnü inü arü bemukhungbah; inü arübo ha dangpung ching belodarübah tüsho inü arü sühakhim ching lashihbah.

EZEKIEL 36:24

Inü nü trükshihbo chingnü alubah, tüsho lomibo alala chingnü bemukhungbah, tüsho nihbuh lo ching nü beyukbah.

EZEKIEL 38:8

Nimung ahihkhüh dunglim nüsa mukhungbah; ashulim kambo ching nüsanü, ashangkhüh thsümünima lakhi, thirithsü kheamkhi lomi khülang, trükshih ahihdo chingnü mukhungde arüpung Israel müzüng azhihde ayübah; ha mihtsürübo trükshihbo chingnü bekhit tüsho kheakü arü alala akhümkhitkhi ching lah.

JOEL 3:4

O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

ZEKARIA 9:13

Tümüde inü I sanglüh nangde Juda hündo; inü Ephraim ju hühzobo kamshihdo. Inü nü tsührübo wusushihbah, O Zion, O Greek, nü tsührübo azhihde thirithsü nukshang nangde ashuhbah.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

2 TESALONIKA 1:6

Tümütüsho Thrünpuh ju thiyuro lakhinü sherünü nüsa küpkhuk jihbanü apinü küpkhuk jihlobah,

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

MAHKHAPRÜ 1:7

Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.