JOEL 3:4 - AMÜSÜH HÜM CL Bible (BSI)

⁴ O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

JOEL 3:4 Iomraidhean Croise

2 KIUTHSÜYUKHEAN 21:16

Atungpuhnü Jehoram azhihde Sudanrü phünide alarü Filistiarü tüsho Arabrü bukakhiukshih.

ISAIA 14:29

Nüsa shikkhi tso zhakmonü dasühachih, nüsa Filistiarü alala, tümüde phuruto ying chingnü lokung phuruto akhiukbah, tüsho ju asokhinü aphinkhi amüzhak phuruto labah.

ISAIA 34:8

Tümüde Atungpuhnü royimpü nimung khülang lah, Zion dünkheaknü thsümüchipü kam khülang lah.

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

JEREMIA 47:1

Pharaonü Gaza müyanyide Filistia dünkheak Atungpuh yu wukihbuh Jeremia kilim arü:

JEREMIA 47:4

tümütüsho Filistia alala thsümünimpü, Tair tüsho Sidon chingnü arungrü aninga lakhi dükheakpü nimung arüchoh. Tümüde Atungpuhnü Kaphtor keyean lomi ching aninga larü Filistiarü dükheakshihbah.

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

JOEL 2:10

Arü miki alonü niukchoh, thüningbo ajanchoh. Ani tüsho khinu mitinga lah tüsho chiningbonü arü ayin tukloa lah.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

MATHI 11:21

“Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

MATHI 11:22

Tüshe inü nüsa ki thachoh, mahkhap nimung nüsa kheaknü alü Tair tüsho Sidon thsungkheak arümkheam labah.

LUKNÜ ATHRÜTKHI THIYUSHEAK-ATSÜ HUHTANYU 10:13

“Korazin, nü are! Bethsaida, nü are! Tümütüsho nü kheak khinthiyinbebo rhimokhi ruk Tair tüsho Sidon ching rhimokhülaa shungliukhim tüsho awahbo ching binbah adüsonü mulong müthria labah.

LUKNÜ ATHRÜTKHI THIYUSHEAK-ATSÜ HUHTANYU 10:14

Tüshe mahkhap ching nü kheaknü Tair tüsho Sidon thsungkheak alü arümkheam labah.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

2 TESALONIKA 1:6

Tümütüsho Thrünpuh ju thiyuro lakhinü sherünü nüsa küpkhuk jihbanü apinü küpkhuk jihlobah,

MAHKHAPRÜ 11:12

Kheakü Jephthanü yunithsürübo Amon kiulongthsüpuh kilim thiyia yüshih, “Nünü tümü I azhihkhi, I bede keochihpü I lo ching arükhea?”