JOEL 3:17 - AMÜSÜH HÜM CL Bible (BSI)

¹⁷ Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

JOEL 3:17 Iomraidhean Croise

JOB HU H T ANYU 15:19

sherü kilim lang alomi jihkhea, tüsho jaksorü sheshe arü bolung muho.

MUNGSHIKHÜN 76:2

Salem ching she api arüngkhimyam lah, tüsho Zion ching api lapung lah.

MUNGSHIKHÜN 9:11

Zion ching lakhi Atungpuh mung shikhi khün thsang! Mihtsürü bolung api rhimobo thaang!

ABEKHIT 16:12

“Israelrünü dapdapneangneangkhi inü sodo. Arü ki asukang, ‘Shuhyini ching nüsanü shih tsühbah, tüsho yapsu yikhapnü nüsa bukthsübah. Tüsho I Atungpuh nüsa Thrünpuh ah de nüsanü amükheahbah.’ ”

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 4:3

Sherübo Zion ching tukloa la tüsho Jirusalem ching rhangdung thsungkheak thrütyukbah lanü amüsüh de ajibah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JEREMIA 31:40

Ashemi tüsho awah jindükhün alala, tüsho Kidron ayung khiungde thulubo alala, aniakhiuklim thrip Khora Chipiripit khiungde, Atungpuh kilim amüsüh labah. Ha küyimkishe murukkhit yungsho mükeamshih.

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

EZEKIEL 37:6

Inü nüsa kheak sühbo yihkihbah, tüsho küpnü alüpdobah, tüsho nüsa kheak sheak yukbah, tüsho nüsa rhangdung labah; tüsho I Atungpuh de nüsanü mükheahbah.”

EZEKIEL 43:12

Ha arüngyam yakzan ah. Müzüng mujuk kheak lomi athrünkhi mükamphülapde khide amüsüh labah. Ha arüngyam yakzan ah.

EZEKIEL 44:9

Atungpuh Thrünpuhnü ha thachoh: Israelrü bolung lakhi khiungkerübo mulong tüsho shih tsütamübahrü sheshe I arüngakopung ching müyüzah.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

JOEL 3:21

Inü arü thiyih royimbah tüsho mülimkhi mümüsühjih, tümüde Atungpuh Zion ching lah.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

NAHUM 1:15

Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.