JOEL 3:16 - AMÜSÜH HÜM CL Bible (BSI)

¹⁶ Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

JOEL 3:16 Iomraidhean Croise

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 61:3

tümüde nü I tsoyukpung, thiriri azhihde aheangsadam amüküp khülang ah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 33:16

arübo achangbo kheak labah; arü tsoyukpung ju lung-chipi labah; arü tsühyungpü ahiuhbah, arü ke yungpü ngübah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 51:16

Inü nü mün ching I yubo yukjihdo, tüsho I khah me khüp nü jikshihdo, thüningbo jashihde tüsho alomi khimtande, tüsho Zion ki tha, “ Nü I mihtsürü ah.”

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 17:17

I ki atrebe düla; nü a thsümütsü nimung ching I tsoyukpung ah;

EZEKIEL 38:19

Tümüde I mükthsükhi ching tüsho I mulong zhipzhipkhi ching inü khipkhitchoh: Ju nimung Israel lomi ching muliuyuk züngkhi ato labah;

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

HAGGAI 2:6

Tümüde Wuto Atungpuhnü ha thachoh: Khülang ki, anükhüh kheak, inü thüningbo le alomi tüsho keto le akung lomi niukbah;

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

IBRI 12:26

Ju kim ching api düsheaknü alomi ajanshih, tüshe kheakü apinü alokhido: “Inü kheaküshe khülangki alomi lang yung tüshe thüningbo she ajanshihbah.”

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 16:18

Tüsho ju ching chinchobe phürapkhi, düsheakbo, tsüngmukbo, tüsho alomi kheak mihtsürü labah müdünjiakheahkhi muliuyuk khide ato lakheah.

1 SAMUEL 15:29

Shepü Israel Müretahkhi lanü apinü akeangyu müthachoh yungsho api lümkhi mümüthri; tümüde api lümkhi müthripü thsüde api mihtsürü khülang yung.”