JOEL 3:13 - AMÜSÜH HÜM CL Bible (BSI)

¹³ Hirhüpbe yukang, tümüde yimlupü khiunga lah. Yüzahang, nitang, tümüde yukhu nitpung milah. Pangjiphühbo zhikhiuklah, tümüde arü mihbukmuyuk tolah.

JOEL 3:13 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 18:20

Tüsho Atungpuhnü tha, “Tümütüsho Sodom tüsho Gomorra azhihde azhikhi tüsho arü neak tode lah,

ISAIA 17:5

Tüsho ju yimlurünü dubuh kheaknü buhmukhungkhi tüsho hi ye yimlukhi kim nangde alabah, tüsho khürünü Rephaim jindükhün ching hi ye tsüka lukhi kim nangde alabah.

ISAIA 63:3

“ I langzünü kurungaso nitdo tüsho mihtsürü bolungnü sheshe I lung mülakheah; inü I bukakhiukkhi chingnü arü nit tüsho I bukmüshakkhi ching inü arü jung; akebo I khimmih kheak yükih, tüsho I züt alala pang.

JEREMIA 51:33

Tümüde Wuto Atungpuh , Israel Thrünpuhnü ha thachoh: Tsührübe Babilon a hinitpung ching nitkhi nangde lah, anihbe yimlupü kim nahde arübah.

TÜZHOKHI 1:15

Atungpuhnü I lung lakhi thirithsürübo alala bahyuk; apinü I azhihde I mihtsürü athunubo zünakpü kim khülang zhiyuk; Atungpuhnü yukhu nitpung nangde atsangkhit Juda tsührübe jungnakdo.

HOSEA 6:11

O Juda, inü I mihtsürü ramtso chingnü belode arüchoki, nü thsungkheak yimlupü akhukhita lah.

MATHI 13:39

Thiriri shepünü jurü hiukheanü arimri, yimlupü ju lün akheam, tüsho yimlurübo ju yunirübo.

MARK 4:29

Tüshe küyimki hi münbanü, apinü hirhüpbenü arhüppü tankihchoh, tümütüsho yimlupü kim khiungdo.”

YUZÜNGTHALO 16:9

“Nüsanü nüsa thsungkheak amunimung thüne kheang; nüsa hirhüpbenü hi rhüpmusuchoki kimnü rünbah amunimungbo ju kheang.

AMIKHEAKAKHIUKKHI 14:14

Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.