JOEL 3:10 - AMÜSÜH HÜM CL Bible (BSI)

¹⁰ Nüsa wuhbonü nukshangbo kingang, tüsho nüsa wuhyakbonü thsühbo kingang; aliuhrünü thashang, “ I thirithsürü ah.”

JOEL 3:10 Iomraidhean Croise

2 KIUTHSÜYUKHEAN 25:8

Nüsanü yübah keochihpung ching mulong tode keochihchih she, Thrünpuhnü nüsa thiriri müngüh jipyuka bahbah, tümüde Thrünpuh kheak arungpü wu yungsho jipa bahpü lah.”

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

MIKA 4:3

Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

LUKNÜ ATHRÜTKHI THIYUSHEAK-ATSÜ HUHTANYU 13:12

Tüshe küyimki Jisunü alibe ngükhea, apinü alibe ju api kilim jihbah tha, “Alibe, nü tukthsü chingnü nü zuzu kamdo.”

LUKNÜ ATHRÜTKHI THIYUSHEAK-ATSÜ HUHTANYU 22:36

Judüki apinü arü ki tha, “Tüshe kheaküa shepü shoyukpung tüsho qiuqiu lanü apinü lushang; tüsho shepü nukshang mülanü apinü nihbuh khimmih yinbah khülang thuloshang.