JOEL 3:1 - AMÜSÜH HÜM CL Bible (BSI)

¹ Tümüde, ju nimungbo tüsho ju kim ching, küyimki inü Juda tüsho Jirusalem kuhi jihlobanü,

JOEL 3:1 Iomraidhean Croise

MUNGSHIKHÜN 14:7

O, Israel akhümkhit Zion chingnü arükhülaa! Küyimki Atungpuhnü api mihtsürü aramrü belode arübanü, Jakob asühachihbah tüsho Israel asühbah.

MUNGSHIKHÜN 85:1

Atungpuh , nünü nü lomi muzhode lado; nünü Jakob aramrü belode arüdo.

MÜCHITMUDU 1:23

Inü athürühkhi lim rholoang; tsükjide inü I me nü kheak dungkihbah; inü I yubo nü ki mükheahshihbah.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

JEREMIA 16:15

tüshe “Dukulim lomi tüsho apinü yanmüzütkhi lomi alala chingnü Israel bekhitbuh Atungpuh lale.” Tümüde arü jipürübo kilim inü ajihkhi arü nihbuh lomi chingnü inü arü belode arübah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

EZEKIEL 16:53

Judüalalashe, inü Sodom tüsho anihbe tsührübebo, tüsho Samaria tüsho anihbe tsührübebo kuhi, tüsho arü lung nü kuhi jihlobah,

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

DANIEL 12:1

“Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

JOEL 2:29

Athrürü tüsho aliberü yamlarübo kheak she, ju nimungbo ching inü I me dungkihbah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

WÜHKHE 11:29

Tüshe Mosanü alo, “Nünü I dünkheak mükthsücho shi? Atungpuhnü amihtsürü alala kheak ame yükihshihbah wukihrübo nangde zhishang shi de inü lümlah!”

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.