JOEL 2:32 - AMÜSÜH HÜM CL Bible (BSI)

³² Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

JOEL 2:32 Iomraidhean Croise

THRÜNTAN 4:26

Seth tsührü kheaküshe alakheah, tüsho amung Enosh de ji. Judüki mihtsürübonü Thrünpuh mung jipü tankih.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

ISAIA 10:22

Tümüde nü mihtsürü Israel keto loyi nangde lalashe arü aningkhi lang alodarübah. Adükheakshihpü ju thiyuro-lungkinü mide yakzan thsakhamlah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 11:16

junangde Asiria chingnü limto khülang api mihtsürü aningkhi thsungkheak, Israelrü Ijip lomi chingnü atuchoki lakhi nangde alabah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

AMOS 9:8

Atungpuh T H RÜ NPU H mükbo ju neak lakhi kiulongthsü kheak lah, tüsho inü ju alomi kheaknü adükheakshihbah; inü Jakob yamkhün lang shahde müdükheakshih, Atungpuhnü thachoh.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

OBADIA 1:21

Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

JOHAN 4:22

Nüsanü tümü mümükheahnü ju kingaünchoh; isanü tümü mükheahlanü ju kingaünchoh, tümüde akhümkhit ju Jihudarü kilimnü lah.

YUNIRÜBO RHIMO 15:17

junangde aningkhi mihtsürübo, I mung chingnü jia larü khiungkerünü Atungpuh yimbah,

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 11:26

Junangde Israel alala khümkhitbah. Amüsühyunü thachoh, “Zion chingnü abekhitrü arübah, apinü Jakob chingnü amükinrü alala yankhitbah”;

ROMRÜ KILIM PAULNÜ ATHRÜTKHI KIHÜM HUHTANYU 11:5

Jumonü kheakü kim ching she amüthsüm hode mokhitkhi aningkhi lah.

ROMRÜ KILIM PAULNÜ ATHRÜTKHI KIHÜM HUHTANYU 11:7

Dale tüsho tümü a? Israelnü ayimkhi müngüdebahdo. Amokhitrünü ju ngü, tüshe aningkhi a mulong müküpabah,

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,