JOEL 2:3 - AMÜSÜH HÜM CL Bible (BSI)

³ Arü müngüh mo takchoh tüsho arü dunglim motru aniuchoh. Arü müngüh alo ju Eden shahwün nangde lah, tüshe arü dunglim a athsümünim sunglo nangde lah, tüsho tümü she arü kheaknü mutsokhi.

JOEL 2:3 Iomraidhean Croise

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

THRÜNTAN 2:8

Atungpuh Thrünpuhnü Eden ching aniakhiuklim peang shahwün khülang thsü, tüsho ju ching apinü akamshihkhi mihtsürü lashih.

MUNGSHIKHÜN 50:3

Isa Thrünpuh arüchoh, apinü zhikde müla, api müngüh amuliube mo lah, api mükamde chinthrüm ato lah.

MUNGSHIKHÜN 97:3

Api müngüh mo yüchoh, tüsho api riribo mükamphülapde aniuchoh.

ABEKHIT 10:15

Tümütüsho arünü alomi abümnü mitingdo akampü thsüde lüpdoabah; tüsho arünü arulungnü aningshihkhi sangrung tüsho sangasobo tsühabah. Jumonü Ijip lomi alala ching sangdungbo yungsho sangrungbo kheak aphüyak mülakheah.

ABEKHIT 10:5

Tüsho arünü alo mithülambah, junangde shenü she alo müngükhukde alabah; tüsho arünü arulungnü aningshihkhi le thulu ching mukhuhkhi sangdungbo tsühabahbah.

ISAIA 14:17

shepünü alomiküp loshelo nangde kamshih tüsho kiutobo yanabahkhea, shepünü nihbuh aramrübo thüyam lim müyüshihkhea?

ISAIA 15:6

Nimrim kebo zhikrangkhündo lah; rim mukuh-a lah, wokephüyak müla tüsho rimrhang tümü müla.

ISAIA 33:4

Lungbünnü hanmukhungkhi nangde ayankhikhi kukrukbo hanmukhungdo; tangkhobonü ajukkhi nangde, arünü ju kheak jukchoh.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 9:18

Tümüde mihbukmuyuknü mo nangde takchoh, khingphu tüsho ayangbo aniuabahchoh; hanü murung achak takkihchoh, tüsho mokhüh nangde yükihchoh.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

EZEKIEL 36:35

Tüsho arünü athabah, “Ha lo zhikrangkhündo alakhi thsü Eden shahwün nangde kamdo; tüsho abahkhi, azhikkhi tüsho athsümünim kiutobo ching kheaküa lalolah tüsho chipi ayünlah.”

AMOS 7:4

Atungpuh Thrünpuhnü I ki ha huh: Atungpuh Thrünpuhnü mo mahkhappü arüpü jide alakheah, tüsho hanü asük ato aniuabah tüsho alo aniuabah.

HABAKKUK 1:6

Tümüde inü mihmukhiuh tüsho mükeamramkhi trükshih, nihbuh yo yungkhi lapungbo lupü alomi mülih hode atsahkhi Kaldearü wusushihchoh.

ZEKARIA 7:14

tüsho inü arübo arünü mümükheahkhi trükshih alala bolung chinthrümnü hiumüzütshih. Hanangde arünü abahjihkhi lomi ju zhika lakheah, junangde shenü yüla arüla müthsü, tüsho alomi atsü ju zhika lakheah.