JOEL 2:26 - AMÜSÜH HÜM CL Bible (BSI)

²⁶ Nüsanü muzhomopungde atsühbah tüsho reangkeambah, tüsho nüsa ki amüyinsahbe rhimobuh Atungpuh nüsa Thrünpuh mung shibah. Tüsho kheaküa I mihtsürübo küyimkishe achih müngüshih.

JOEL 2:26 Iomraidhean Croise

THRÜNTAN 33:11

Muzhobah, nü kilim hande arükhi I müngühmühi luang, tümütüsho Thrünpuhnü I ki muzhode rhimodo, tüsho I suhdahde lah.” Apinü anihbuh ki thsungkih tüsho apinü ju lu.

NEHEMIA 9:25

Müküpde chipi ayünkhi kiutobo, lotsülo, lakhitnü amikhi yambo, kiua lakhi kekhipbo, tüsho kurungasolu, oliv dungbo, nü mihtsürübonü yankhia lu. Arü künkhi tsühde shihkih; nünü ajihkhi kukruk atsübo ching arü reangkeamde asüh. @1-LINE- SP ACE=

MUNGSHIKHÜN 103:5

shepünü atsü kukrukbonü nü rhangdung reangkeamshihcho, junangde nü athunu ju müleang nangde reangzahshih.

MUNGSHIKHÜN 116:7

Nü sühakhim lim rholoang, O I me, tümüde Atungpuhnü nü ki tsüde rhimodo.

MUNGSHIKHÜN 13:6

Inü Atungpuh ki khün thsübah, tümüde apinü I ki tsüde lado.

MUNGSHIKHÜN 22:26

Zhochihrünü atsühbah tüsho reangkeambah; sherünü api yimchonü Atungpuh shijihbah. Arü kamruhroro latsühlayung lashang!

MUNGSHIKHÜN 37:19

Amütsü kim ching arü achih müngü, tüsho khümzung nimungbo ching arü suhdahde alabah.

MUNGSHIKHÜN 67:5

Mihtsürübonü nü shishang, O Thrünpuh; mihtsürü alalanü nü shishang!

MUNGSHIKHÜN 72:18

Amüyinsahbe rhimobuh, Israel Thrünpuh, Atungpuh shiang!

MÜCHITMUDU 13:25

Thiyuro-lungkirü a arünü akünkhi tsühchoh, tüshe mihbukmuyuk bukbo a khümde lachoh.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 29:22

Jumonü Abraham rhokhitbuh Atungpuhnü Jakob yamkhün dünkheak ha thachoh: Kheaküa Jakob machih, api miro mümürüm.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

LEVI 25:19

Alonü hi mukhuhshihbah, tüsho nüsa bukthsüde tsühde tsokhitde alabah.

LEVI 26:26

Küyimki inü nüsa tsühyungpü zhimzhakshihbanü, aliberü thürünü yinchi kuk khülang ching yikhap dambah, tüsho arünü adünloa nüsa kipbah; ju nüsanü atsühbah, tüshe bukmüthsü.

LEVI 26:5

Nüsa lu ju khide pung-alungde kurungaso rho khiungde yimlubah, tüsho mükhean kim khiungde kurungaso rhobah; nüsanü atsühnekhi suhdahde angübah tüsho nüsa lo ching nüsa tsokhita labah.

MIKA 6:14

Nünü atsühbah, tüshe reangmükeam, nü buk kheaküshe akeangkeang labah. Nünü zomukhungbah tüshe tümü she muzokhit, tümütüsho nünü tümü zokhita lanü inü thirithsü ching thsümünimbah.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.

ROMRÜ KILIM PAULNÜ ATHRÜTKHI KIHÜM HUHTANYU 10:11

Amüsühyunü thachoh, “Api kheak kinrü sheshe achih müngüshih.”

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

YUZÜNGTHALO 11:15

Tüsho inü nüsa lubo ching nüsa akam-shiwüh thsungkheak rim mukhuhshihbah, tüsho nüsanü akünkhi tsühyungpü tsühde nüsa bukthsübah.

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

YUZÜNGTHALO 12:18

tüshe nü tüsho nü tsührü le tsührübe, yamlarü athrürü le aliberübo tüsho kiutobo ching larü Levirübonü jurübo Atungpuh nüsa Thrünpuh miki apinü amokhitkhi dangpungnü tsühang; tüsho nüsanü arhimokhi alala ching Atungpuh miki asühachihang.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

YUZÜNGTHALO 8:10

Tüsho nüsanü tsühbahle bukthsüchoki, Atungpuh nüsa Thrünpuh shiang tümüde apinü alo atsü nüsa kilim jih.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.