JOEL 2:23 - AMÜSÜH HÜM CL Bible (BSI)

²³ O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

JOEL 2:23 Iomraidhean Croise

1 KIULONG THSÜRÜ 8:36

judüki yinmi chingnü sojang, tüsho nünü arünü atsahpü limro atsü arü ki thsangyuchoki, nü yamlarübo, nü mihtsürü Israel neak bahjang; tüsho nünü nü mihtsürü kilim yamrüplurüp jihkhi nü lo kheak tsüng arüshang.

JOB HU H T ANYU 33:23

Dale ju ching mihtsürü ki alungki khipkhitpü yunirü khülang limburü, chithürü bolungnü lasho,

JOB HU H T ANYU 37:13

Thsülangpü thsungkheak yungsho api lo thsungkheak, yungsho mihmüthsüm thsungkheak, apinü ju arüshihchoh.

MUNGSHIKHÜN 104:34

I tamkhüntamnü-lüm api ki niungde kamshang; inü Atungpuh lung asühbah.

MUNGSHIKHÜN 147:8

shepünü thüningbo amobonü yihdocho, shepünü alo thsungkheak tsüng thsakhamcho, shepünü müzüngbo kheak rimbo mukhuhshihcho.

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 28:7

Atungpuh ju I sühmüh tüsho I tsung; api kheak I mulongnü kinchoh tüsho I arung ngüa lah; jumonü I mulong tode asühchoh, tüsho khün thsüde inü api shibah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

MUNGSHIKHÜN 84:6

Arübo Baka jindükhün hode ayüchoki, arünü ju ke-bukpung kamshihchoh; mumükin tsüngbonü ju kekhipbo bede zhidochoh.

MÜCHITMUDU 16:15

Kiulongthsüpuh miro yinkhi ching rhangdung lah, tüsho api amuzho ju mükheankim ching tsüng bekhikhi amo nangde lah.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 5:24

Arünü mulong ching mütha, “ Isanü Atungpuh isa Thrünpuh treanü, shepünü akheahmünchi ching tsüng arüshihcho, mumükin tsüng tüsho mükhean tsüng jihcho, tüsho isa kilim yimlupü nimungbo akhukhita zojihcho.”

TÜZHOKHI 4:2

Zion tsührübo shoto, adünkhi atsüdak suna thülünlah– künangde arübo alo phühbo nangde khejihde, phühdamrü khahnü arhimokhi la!

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

LEVI 26:4

inü nüsa kilim akheahmünchi ching tsüng arüshihbah, tüsho alonü hi mukhuhshihbah tüsho mütüm sangdungbonü aso asobah.

AMOS 4:7

Tüsho kheaküshe yimlupü khinu mahsam lachoki inü nüsa kheaknü tsüng tuklo; inü kiuto khülang lungki tsüng arüshih, tüsho püpü kiuto lungki tsüng marüshih; thulu khülang lungki tsüng arüshih, tüsho tsüng marükhi thulu ju mukuhabah;

ZEKARIA 10:1

Atungpuh , chinthrüm mo thsübuh ki mükheankim tsüng akheahmünchi ching kheangang. Apinü mihtsürü kilim tsüng arüshihchoh, tüsho mihbüm aban kilim thulu sangrungbo jihchoh.

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

ZEKARIA 9:13

Tümüde inü I sanglüh nangde Juda hündo; inü Ephraim ju hühzobo kamshihdo. Inü nü tsührübo wusushihbah, O Zion, O Greek, nü tsührübo azhihde thirithsü nukshang nangde ashuhbah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

YUZÜNGTHALO 11:14

nüsa lo thsungkheaknü inü akheahmünchi ching, akhuhbe tüsho ashube tsüng arüshihbah, junangde nüsanü hi, yukhu tüsho oliv müdangke hanmukhungbah.

YUZÜNGTHALO 28:12

Kim dükdü ching nüsa lo ching tsüng arüshihpü tüsho nüsa rhimo ching müngühjihpü thsüde Atungpuhnü nüsa kilim api lakhit atsü, thüning khimshuhjihbah. Nüsanü trükshih ahihdo kilim nipjihbah, tüshe nüsanü a anip mulu.

YUZÜNGTHALO 32:2

Inü thsangyukhi tsüng nangde atsamkhishang, inü athakhi ayinke nangde keamshang, sangdung nunu kheak tsüng arünnü akeamkhi nangde, tüsho rimkiu kheak tsüng shimshimde akeamkhi nangde.

FILIPI 3:1

Akheam ching, I keoniorübo, Atungpuh lung asühang. Nüsa kilim ju rukhüh thrütlopü I küpkhuk müla, tüsho ha nüsa kümrü lah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

FILIPI 4:4

Atungpuh lung kamruhroro asühang; inü thalochoh, asühang.