JOEL 2:21 - AMÜSÜH HÜM CL Bible (BSI)

²¹ Dütre, O alo; asühang tüsho asühachihang, tümüde Atungpuhnü ato rhimodo!

JOEL 2:21 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

MUNGSHIKHÜN 71:19

O Thrünpuh, nü thiyuro-lungki khide changlah, nünü rhimo atobo thsü; O Thrünpuh, nü nangde she la?

MUNGSHIKHÜN 98:8

ayungbonü arü khahbo damshang; awungbonü rukhüh Atungpuh miki asühachihshang,

ISAIA 35:1

Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

ISAIA 55:12

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

HOSEA 2:21

Ju nimung inü alobah, Atungpuhnü thachoh, inü thüningbo ki alobah tüsho arünü alo ki alobah;

JOEL 2:20

Inü dukulim bonungrü nüsa kheaknü limshude atsoshihbah, tüsho loshelo le tümü masürükhi lo ching yana yüshihbah, mikhuh larübo aniakhiuklim keto ching, tüsho dunglimrü aniyüzahlim keto ching tsoshihbah; ashemibo shuhrhüm münimbah. Tümütüsho arünü nüsa kheak tode rhimodo.

JOEL 2:26

Nüsanü muzhomopungde atsühbah tüsho reangkeambah, tüsho nüsa ki amüyinsahbe rhimobuh Atungpuh nüsa Thrünpuh mung shibah. Tüsho kheaküa I mihtsürübo küyimkishe achih müngüshih.

ZEKARIA 8:15

junangde kheaküshe inü harü nimungbo ching Jirusalem tüsho Juda yamkhün ki atsü rhimopü lümkhi lah; dütre.

YUZÜNGTHALO 4:32

“Kheakü nüsa müngüh lakhi ahokhi nimungbo, Thrünpuhnü alomi kheak mihtsürü thrünkhi nimungnü rünbah lümakheahang, tüsho hadürü ato dünjikhi yungsho sodüshi musonü thüning akheamnü khülim khiungde keoa kheahang.

1 SAMUEL 12:16

Jumonü kheakü nüsa düngde zhipang tüsho Atungpuhnü nüsa mük ki ha ato rhimokhi kheahang.

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.